Blogerja shqiptare publikon bisedën me gazetaren britanike: Jam shtatzënë dhe u ndava nga i dashuri se më bëtë kriminele! Se kuptoj ku e keni parë jetën luksoze

Pas publikimit të artikullit që tregon se blogerja shqiptare reklamon pasaporta false, 25-vjeçarja Ion Daci që së shpejti do të sjellë në jetë një fëmijë ka publikuar në Tik Tok bisedën me gazetaren britanike duke treguar se i kanë shkaktuar krisje në marrëdhënien me partnerin.

Gjatë bisedës shpjegon se nuk ka asnjë lidhje me personin që ka faqen që merret me pasaporta dhe karta bankare, por thjesht donte ta ndihmonte për të fituar ndjekës.

Ion Daci: Thjesht shpërndava faqen. Më kërkoi ta ripostoja. Çfarë do të thuash pse e shpërndava faqen e tij? Ma kërkoi! A ke llogari në Tik Tok? Nëse do isha gabim, pse s’ma thotë policia?

Gazetarja: Ule zërin.

Ion Daci: Nuk mund ta ul zërin sepse së shpejti do sjell në jetë një fëmijë dhe më bëtë të ndihem si kriminele. Ju as nuk u përpoqët të më kontaktonit. Thotë se kush dëshiron patenta apo karta banka ta kontaktojë. Nuk e njoh, ishte thjesht një postim dhe e cilësoni si kriminele. Lëre këtë, po jeta luksoze? Ku e patë jetën luksoze? Ju mendoni se policia nuk do më fuste në burg nëse do isha duke e bërë atë gjë? Telefoni im po hetohet se nuk kam asgjë të bëj me këtë dhe nëse kam fshirë diçka, do e zbulojnë. Jetoj në Britani dhe kam çdo gjë zyrtare. U ndava nga i dashuri im prej këtij lajmi dhe dua të kem emrin tim mbrapsht. Nuk e dija sa serioze ishte kjo. Nuk e dija që do të bëhej kaq e madhe.  Se kuptoj pse duhet të bëhem kriminale për këtë gjë?

Gazetarja: Ti po thua që është normale të kesh karta bankare?

Ion Daci: Ti po bën punën e policit tani?

Gazetarja: Ti po thua që është normale.

Ion Daci: Këtë më pyeti dhe policia. Unë dua që të më tregoni çfarë do të ndodhë. Nuk keni pse më bëni këto pyetje. Unë mendoja se ishte normale. Më tha një vajzë që bën foto, a mund ta postosh që të bëj ndjekës? Po patjetër i thashë. Ishte i njëjtë si ky rast.

Gazetarja: Pra donit thjesht ta ndihmonit?

Ion Daci: Po.

Lajmi kryesor:

Falsifikon pasaporta për të futur shqiptarët në Britani? Blogerja: S’jam kriminele, s'kam marrë para nga shtëpitë e barit! Ja pse e nxora videon në Tik Tok

A.M./Shqiptarja.com

TAG:
• ion daci
• tik tok
• shtepi bari
• Britani e Madhe
• debati per shqiptaret ne britani