Blushi ndan videon nga Vlora: E mbytur nga plehrat, PS u premtoi qëytetarëve se do e pastrohet, por harruan premtimet

Sekretari i Përgjithshëm i Partisë së Lirisë, Tedi Blushi ka denoncuar ndotjen nga mbeturinat në Vlorë. Blushi ka publikuar një video në në zonën e ish-Fabrikës të Çimentos, e cila është e mbuluar me plehra. Blushi thotë s ekjo tregon sesi qeveria dhe pushteti vendor i ‘Rilindjes’ kanë braktisur qytetarët.

Blushi thotë se në vitin 2021, PS u premtoi qytetarëve të kësaj lagjeje që do pastrohet nga mbetjet, por ky premtim sipas tij është harruar.

“Vlora është përmbytur nga plehrat si kurrë më parë. Situata skandaloze në zonën e ish-Fabrikës të Çimentos, rreth 1 km larg Lungomares dhe 4 km larg Bashkisë, është një dëshmi e përçmimit dhe e braktisjes së qytetarëve nga Qeveria dhe pushteti vendor i “Rilindjes".

LEXO EDHE:
INTERVISTA/ Ilir Meta në ‘Frontline’: Nëse ka urdhër-arrest, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit

Më 5 prill 2021, Damian Gjiknuri në emër të Edi Ramës u premtoi familjeve të kësaj lagjeje pastrim nga mbeturinat, rrugë të asfaltuara, kanalizime dhe investime moderne në infrastrukturë. Premtimet sot janë harruar dhe situata nuk ka nevojë për komente.

Kapja 100% e bashkive dhe e këshillave bashkiakë nga Edi Rama, do të kishte me patjetër këto pasoja. Rikthimi i pashmangshëm i opozitës në Bashkinë e Vlorës dhe në të gjitha bashkitë e Shqipërisë do të rikthejë llogaridhënien dhe pushtetin lokal në duart dhe në shërbim të qytetarëve”, shkruan Blushi.

SI.E./LR/Shqiptarja.com

TAG:
• tedi blushi
• Vlore
• Partia e Lirise