POP 5

Lajmet më të lexuara të 5 minutave të fundit

Politikë

Bode: Opozita bën lojëra bllokimi,
shqiptarët do votojnë PD

Opozita bën lojëra bllokimi, por shqiptarët nuk do të votojnë për lojëra dhe bllokime por për zhvillim dhe progres. Kështu është shprehur sot ministri i Financave dhe sekretari i përgjithshëm i PD-së Ridvan Bode.
DEVOLL - Opozita bën lojëra bllokimi, por shqiptarët nuk do të votojnë për lojëra dhe bllokime por për zhvillim dhe progres. Kështu është shprehur ditën e sotme ministri i Financave dhe sekretari i përgjithshëm i Partisë Demokratike Ridvan Bode. Duke folur nga kuvendi i PD-së në qyteti i Devollit në rrethin e Korçës, Bode deklaroi se koalicioni qeverisës do të rikofirmojë fitoren në zgjedhjet e qershorit të vitit 2013.

“Partia Demokratike ka fituar sepse është alternativa e progresit, fitorja në 2013 në Devoll do të vazhdojë të thellohet. Bllokmenët e murit të bllokimit, janë ata që bllokojnë statusin e vendit kanidat. Ata që donin të bllokonin vizat, ata bllokuan statusin në qarkun e Fierit. Për ta kjo ishte loja e bllokimit, por shqiptarët nuk do të votojnë për lojëra dhe bllokime por për zhvillim dhe progres. Koalicioni qeverisës do të vijojë sepse plotëson aspiratat e shqiptarëve dhe fitorja e 2013 do të rikonfrimojë edhe një herë mbështetjen e aspiratave europiane të shqiptarëve”, u shpreh Bode.

Më tej Bode ka folur për krizën ekonomike duke theksuar se ekonominë shqiptare mbështetet në modelin e taksave të ulëta, i cili është një model vital dhe opozita nuk mund ta mohojë dot. Ministri i Financave Ridvan Bode deklaroi se Shqipëria qëndron në vendet e para në rajon për zhvillimin ekonomik.

“Kriza ekonomike goditi partnerët tanë kryesorë dhe 2012 foli për një rënie të thellë të dytë, por përballë këtyre zhvillimeve ekonomia shqiptare u implikua, uli ritmet e saj. Sot dëshmojmë se jemi të vendosur në alternativën tonë, në modelin e taksave të ulëta, modeli ndaj njeriut të punës, modeli që tregon integrimin e vendit. Modeli ynë është vital dhe opozita nuk mund ta mohojë sepse statistikat e huaja dëshmojnë që Shqipëria qëndron në vendet e para në rajon për zhvillimin ekonomik. Modeli ynë prodhon rritje ekonomike dhe prodhon mirëqenie dhe gjatë krizës. Këtë e dëshmojnë raportet dhe statistikat e FMN-së, BE-së dhe institucioneve të tjera ndërkombëtare”, tha Bode.

Redaksia online
(eç/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01