Bojkoti i PD, ambasadori Arvizu:
Shpresoj të mbarojë sa më shpejt

I pranishëm në një aktivitet të organizuar nga “Tedx Tirana”, ambasadori në largim i SHBA-së, Aleksandër Arvizu është ndalur te bojkoti parlamentari i Partisë Demokratike , duke theksuar se shpreson që të përfundojë sa më shpejt.
 
Ndërkohë Arvizu ka folur edhe për takimin me Presidentin e Republikës së Shqipërisë, por pa dhënë detaje të shumta për atë se për çfarë kanë biseduar.
 
“Me Presidentin Bujar Nishani takohemi për çështje të shumta dhe të ndryshme” – u shpreh Arvizu.
 
Më tej ai u ndal në fushatën 16 ditore kundër dhunës ndaj grave duke theksuar se ky fenomen është i pranishëm, por po bëhen përmirësime dhe jemi në rrugën e duhur, gjithsesi ai shton se ka ende akoma shumë për të bërë.
 
Redaksia Online
(a.h/shqiptarja.com)