Bombarduesit amerikanë fluturojnë
mbi gadishullin korean

Dy bombardues B-1B të forcave ajrore amerikane të shoqëruar nga avionë ushtarakë të Koresë së Jugut dhe Japonisë fluturuan përgjatë gadishullit korean.

Komanda amerikane e Paqësorit tha se misioni ishte një "përgjigje e drejtpërdrejtë" ndaj "provave të përshkallëzuara" të raketave balistike ndërkontinentale të Koresë Veriore më 3 korrik dhe më 28 korrik.

“Koreja e Veriut mbetet kërcënimi më urgjent ndaj sigurisë rajonale", tha gjenerali, Terrence O’Shaughnessy, komandant i forcave ajrore amerikane të Paqësorit.“Diplomacia mbetet e para; megjithatë, ne kemi përgjegjësi ndaj aleatëve dhe kombit tonë të dëshmojmë përkushtimin e palëkundur derisa planifikojmë edhe skenarët më të këqij. Nëse është e domosdoshme, ne jemi të gatshëm të përgjigjemi me forcë të shpejtë, vdekjeprurëse dhe dërmuese..."u shpreh gjenerali.VOA


Redaksia Online
e.m/Shqiptarja.com