POP 5

Lajmet më të lexuara të 5 minutave të fundit

Kronikë

Bora bllokon zonat e thella të Kukësit, rrjet elektrik në fshatra i amortizuar

Reshjet e dëborës dhe temperaturat e ulëta kanë krijuar probleme me lëvizjen në zonat e thella të Kukësit. Shoferët ankohen për problemet në rrugë, ndërsa banorët vuajnë mungesën e energjisë elektrike. Kjo për shkak të rrjetit të amortizuar.

Jetesa e banorëve në zonat e thella të Kukësit është vështirësuar shumë ditët e fundit kur moti ka regjistruar temperatura të ulëta dhe reshje dëbore. Në Has makinat e kanë shumë të vështirë për të lëvizur, pasi reshjet e shiut kanë dëmtuar rrugët, ndërsa është krijuar edhe një shtresë akulli. 

Sakaq moti i keq në disa zonë të thella ka nxjerrë jashtë funksionit linjat elektrike. Në fshatin Kolesian shtyllat e tensionit të mesëm dhe të ulët u rrëzuan, duke lënë pa energji dhjetëra familje.

Bora dhe ngricat në rrugë vazhdojnë të jenë prezente në qarkun e Kukësit. Rrugët janë pastruar, por sërish rekomandohet përdorimi i zinxhirëve dhe gomave dimërore në akset rrugore të Kukësit, Tropojës e Hasit.

Firmat e kontraktuara për mirëmbajtjen dimërore kanë qenë në terren për pastrimin e borës dhe kriposjen e akseve. Në pjesën më të madhe të zonave të verilindjes që kishin probleme me energjinë  janë riparuar defektet dhe është rikthyer energjia elektrike.  

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça