POP 5

Lajmet më të lexuara të 5 minutave të fundit

Sport

Botërori i Skive/ Lara Colturi zë vendin e 9-të në SHBA, i shton pikë Shqipërisë (VIDEO)

Në pistën e Killington në SHBA, 18-vjeçarja italo-shqiptare u rendit në pozitën e nëntë në disiplinën e Slalomit Gjigant, duke i shtuar 29 pikë renditjes së përgjithshme.

KILLINGTON, Vermont (SHBA) - Pasi një javë më parë siguroi për herë të parë podiumin në Botërorin e Skive dhe ia doli të nderonte Shqipërinë në garën e Austrisë, 18-vjeçarja Lara Colturi ka bërë mirë edhe në garën e katërt të sezonit.

Në pistën e Killington në SHBA, italo-shqiptarja u rendit në pozitën e nëntë në disiplinën e Slalomit Gjigant, duke i shtuar vetes 29 pikë në renditjen e përgjithshme.

Në lëshimin e parë, skiatorja Colturi e mbylli në pozitën e 11-të, me 1.31 sekonda pas vendit të parë. Lëshimi i dytë nuk shkoi si duhet, pasi Lara u rendit e 16-ta.

Në total Colturi zuri pozitën e nëntë me 2.54 sekonda pas vendit të parë që u sigurua nga suedezja Sara Hector. Në podium edhe Zrinka Ljutic e Kroacisë dhe Camille Rast e Zvicrës. Për t'u theksuar se superkampionia amerikane Mikaela Shiffrin nuk mundi ta mbyllte garën dhe kështu nuk ia doli të siguronte fitoren e 100-të në karrierë. 

Të dielën do të jetë një tjetër garë emocionuese kësaj here në Slalom ku pritet një tjetër rezultat në top 10 për Larën e cila është “abonuar” midis 10 më të mirave të Botës.

Tanimë Colturi do përgatitet edhe për garën e radhës (e pesta e Botërorit) e cila zhvillohet më 7-8 dhjetor në pistën e Tremblant në Kanada.

Renditja në pistën e Killington në SHBA

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53