TIRANË - Deputeti socialist, Erion Braçe ka analizuar gjendjen e rrugëve në Shqipëri. Kjo pikërisht pas tragjedisë së humbjes së jetë së deputetit të PD, Sokol Olldashi dje në një aksident rrugor. Braç ka kujtuar se ka më shumë se 22 vjet që sa herë ndodh një aksident automobilistik hetohen e gjykohen vetem dy palë, brenda nje gabimi njerëzor, viktima dhe autori i aksidentit, por asnjëherë, rruga-mënyra e ndërtimit, standardet e ndërtimit, kushtet që ndikojnë për të favorizuar një aksident, mirëmbajtja e saj në shtresa e sinjalistikë horizontale apo vertikale, makina me kushtet e saj teknike, kontrolli dhe certifikimi i saj për të dalë e qarkulluar lirisht në rrugë.

KOMENTI I PLOTË I DEPUTETIT ERION BRAÇE NË FACEBOOK:
Tani ia vlen për t’u kthyer pak pas;
Në rrugë; për rrugët!!
Ka më shumë se 22 vjet që sa herë ndodh një aksident automobilistik;
Hetohen e gjykohen vetem dy palë, brenda nje gabimi njerëzor, viktima dhe autori i aksidentit.
Asnjëherë, rruga-mënyra e ndërtimit, standardet e ndërtimit, kushtet që ndikojnë për të favorizuar një aksident, mirëmbajtja e saj në shtresa e sinjalistikë horizontale apo vertikale;
Makina-kushtet e saj teknike, kontrolli dhe certifikimi i saj për të dalë e qarkulluar lirisht në rrugë.
E kuptoni;
Ne kete vend, nje rruge e ndertuar gabim, pa standarde e me kushte skandaloze, Të Vret!!
Ne kete vend, nje makine e nxjerre, lejuar te qarkulloje ne rruge pa kushtet teknike te ligjeruar, Të Vret!!
Do hetojë njeri për këto?
Ne fund;
Duhet nje zgjidhje e menjehershme per rruget qe jane hem kantiere te hapura ndertimi e hem rruge!!
Nuk mund të jenë të dyja njëkohësisht!
Kështu po vrasin njerëz!!

Redaksia Online
(mag/shqiptarja.com)