Braçe: Në Lushnjë do të humbasim
miliona euro nga fermerët

Kryetari i Komisionit të Ekonomisë, Erjon Braçe, njëkohësisht deputet i qarkut të Fierit, ka paralajmëruar edhe një herë grupin e tij parlamentar, se nga fermerët në fushat e Mallakastrës, ekonomia shqiptare do të humbasë brenda këtij viti miliona euro. Braçe mësohet të ketë shprehur me këmbëngulje shqetësim pranë kolegëve të tij, se asgjë s’po funksionin dhe të korrat e të vjelat e bujqve do të jenë të dobëta.

“U bë e disata herë që vij këtu dhe përsëris në njëjtat gjëra. Jemi në periudhën më decizive për bujqit dhe fermerët. Unë kam ngritur disa shqetësime dhe nuk shoh asnjë ndërhyrje. Në Lushnjë fermerët janë në rrezik serioz të mos prodhojnë asgjë. Arsyet janë ato që kam thënë. Nga mungesa e cilësisë së farërave dhe pesticideve, e deri tek mungesa e infrastrukturës së ujitjes e kullimit. Nëse qeveria thotë se e ka prioritet, duhet të jetë vërtetë i tillë. Nga ministria e linjës nuk ka asnjë reflektim pas shprehjes së shqetësimit nga ana ime. Nëse ata nuk marrin prodhim, humbin jo vetëm ata, por ekonomia jonë do të humbasë miliona euro”-mësohet të ketë thënë Braçe.