Braçe ironizon opozitën, Salianji:
Të qetëson shkopi ndëshkues i Ramës

Deputeti socialist, Erion Braçe, shfrytëzoi seancën e sotme për të ironizuar protestën e deputetëve të PD në Kuvend. Për këtë qëllim ai ka shpërndarë në rrjetet sociale disa video, të cilat më pas janë publikuar edhe në mediat online.

Mirëpo, kjo s'është pritur mirë nga demokratët. Sekretari për Aksionin Qytetar në PD, Ervin Salianji, i është përgjigjur Braçes duke i kujtuar se socialistët nuk i bindin argumentet, por shkopi ndëshkues i Ramës.

"Ku e gjen guximin një njeri si Braçe që është sa një bile kalamani që të fyejë opozitën?! Sado t'i bien me dorë tavolinës apo foltores në parlament deputetët e PD, nuk ka për t'i hyrë gjë në mendje deputetëve si ai sepse nuk binden me argument dhe as me ligj, por i eksiton dhe i qetëson vetëm shkopi ndëshkues që iu përdor Rama", shkruan në Facebook, Ervin Salianji. 

Redaksia Online
(M.B/Shqiptarja.com)