X

POP 5

Lajmet më të lexuara të 5 minutave të fundit

Politikë

Braçe paralajmëron kinezët: Rindërtoni rrugën që shkatërruat në Divjakë ose kallëzim penal

Zv/kryeministri Erion Braçe ka reaguar lidhur me mungesën e korrektësisë së një kompanie që ka ndërtuar kanalet e rrjetit vaditës në zonën e Divjakës.

Braçe paralajmëron kinezët: Rindërtoni rrugën që shkatërruat në Divjakë ose kallëzim penal

Rruga e shkaterruar

Zv/kryeministri Erion Braçe ka reaguar lidhur me mungesën e korrektësisë së një kompanie që ka ndërtuar kanalet e rrjetit vaditës në zonën e Divjakës. Sipas Braçes, kompania ka shkatërruar rrugët në zonën në fjalë dhe duhet të mbajë përgjegjësi sipas kontratës që ka me institucionet shtetërore duke e rindërtuar totalisht, ose do të përballet me një kallëzim.

"Ky vend, nuk do udhëhiqet nga kompanitë por nga kontratat! “Kjo është rruga e fshatit Korie në njësinë Gradisht të bashkisë Divjakë. Siç e shihni ka qenë e shtruar me asfalt! Kompania që po ndërton kanalet e rrjetit vaditës në drejtim të Zharnecit dhe Adriatikut, e ka shkatërruar! Detyrimi në kontratë thotë që  kompania duhet të ktheje në gjendjen e mëparshme çdo rrugë që dëmton. Në fakt, e ka shkatërruar.

Bashkë me ministrinë e Bujqësise, bashkinë Divjakë kemi 3 muaj që i kërkojmë kompanisë të rindërtojë këtë rrugë dhe çdo rrugë parcelash që ka shkatërruar me mjetet e rënda. Për turp, jo vetëm që është vonuar përtej çdo caku por dhe nuk përmbush kontratën në pikën e rindërtimit të çdo gjëje që ka shkatërruar; këtu në Korie ka hedhur çakull mbi gropa të thella e ka ikur! Ndërkohë rruga është shembur e shkatërruar plotësisht!

Kam dy thirrje: e para për kompaninë kineze dhe çdo kontraktor shqiptar të saj: kthehuni dhe rindërtoni rrugët që keni shkatërruar! Kontrata juaj do quhet e përfunduar kur ju të keni rindërtuar çdo rrugë fshati e rrugë parcelash që keni shkatërruar! Ndryshe, unë i pari do ju kallëzoj penalisht.

E dyta për çdo institucion që miraton pagesat dhe merr në dorëzim veprën sipas kontratës: Mos pranoni e mos paguani situacione të rreme! Verifikoni në vend në përputhje me kontratën çdo faturë! Ju që do merrni në dorëzim veprën; Mos e bëni pa verifikuar në terren detyrimet kontraktuale, funksionalitetin e veprës por edhe përmbushjen e çdo detyrimi sipas kontratës për rindërtimin e çdo rruge të shkatërruar! Ndryshe përgjegjësia ligjore do të jetë shumë e rëndë mbi ju" deklaron ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • taksidari: 15/07/2019 10:42

    Zoti ERION BRACE,per JU,ndere dhe respekt pa fund! Jeni modeli I perfaqesuesit te popullit qe dua une.

    Përgjigju
  • Bedriu: 15/07/2019 02:43

    Kanalet vaditse - kinezet - Brace - korrupsion - PS / RILINDJE - ska shqipetare - TURP PER ED RAMEN - DUHET TE SHKARKOHET MINISTRI

    Përgjigju
  • Erald: 14/07/2019 18:14

    Kompani Kineze qe merret me kanale vaditese ne Divjake, o gjigand po shiko mire se do dalin rilindas nga Kina! Te lene ujqerit e tenderave te haje kinezi...

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Pritet shkarkimi nga Milani! Stefano Pioli s'humbet kohë, gjen ekipin e ri në Serie A

Pritet shkarkimi nga Milani! Stefano Pioli s'humbet kohë, gjen ekipin e ri në Serie A

26 Prill, 13:21