Braktisi studimet si laborant dentar për të shitur drogë në Angli, 23 vjeçari shqiptar dënohet me 1 vit burg! Dëshmia e tij: Kisha borxhe për të shlyer

Renaldo Shyti, një 23 vjeçar shqiptar është dënuar me 12 muja burg nga gjykata britanike në Ipswich. I riu u kap duke transportuar lëndë narkotike. Arrestimi i tij u bë i mundur në tetor të këtij viti kur oficerët kontrolluan makinën dhe i gjetën kokainë të fshehur në anën e derës së shoferit.

Sipas prokurorëve, droga e ndarë në doza shitej nga 40 deri në 800 paund. Në dëshminë e tij për policinë, i riu shqiptar tha se gjërat që i ishin gjetur nuk ishin të tij dhe se dikush e kishte detyruar ta bënte veprimin e paligjshëm.

“Gjërat nuk janë të miat. Dikush më detyroi ta bëja këtë”-mësohet të ketë deklaruar 23 vjeçari.

LEXO EDHE:
Dyshohet se u vetëvar brenda qendrës së emigracionit në Britani, familjarët e shqiptarit ende pa përgjigje për rrethanat e vdekjes

Kur telefoni i tij u kontrollua, u zbulua se përmbante kodet postare të vendeve ku ai do të dërgonte drogën. Gjatë dëshmisë për policinë ai tha se kishte qenë i pastrehë dhe i ishte kërkuar të dorëzonte drogë në Ipswich pasi kishte një borxh prej 5,000 paundësh për të shlyer.

Mediat e huaja bëjnë me dije se përpara se të vinte ilegalisht në Britaninë e Madhe, në gusht të vitit të kaluar, Shyti kishte studiuar për degën laborant dentar në Shqipëri dhe tani ai dëshironte t'i kthehej jetës së tij atje.

B.V/Shqiptarja.com

TAG:
• Renaldo Shyti
• Britani e Madhe
• debati per shqiptaret ne britani