POP 5

Lajmet më të lexuara të 5 minutave të fundit

Sociale

Plani i ri britanik/ Braverman vazhdon goditjen ndaj emigrantëve: Shqiptarët që kalojnë La Manshin me gomone të deportohen brenda 10 ditësh

Azilkërkuesit që mbërrijnë në Mbretërinë e Bashkuar nga vendet që konsiderohen 'të sigurta' nga Ministria e Brendshme do të deportohen më shpejt sipas planeve të reja, ndërsa qeveria po përpiqet të menaxhojë kalimet e emigrantëve në Kanalin Anglez

Plani i ri britanik/ Braverman vazhdon goditjen ndaj emigrantëve: Shqiptarët që kalojnë La Manshin me gomone të deportohen brenda 10 ditësh

Sekretarja e Brendshme Britanike Suella Braverman

Azilkërkuesit që mbërrijnë në Mbretërinë e Bashkuar nga vendet që konsiderohen 'të sigurta' nga Ministria e Brendshme do të deportohen më shpejt sipas planeve të reja, ndërsa qeveria po përpiqet të menaxhojë kalimet e emigrantëve me gomone në Kanalin e La Manshit.

Sekretarja e Brendshme Suella Braverman tha se do të përpilojë një listë me vende të ‘sigurta’, ku të ardhurit nga vendet e përfshira në këtë listë të mos lejohen të kërkojnë azil.

Sipas 'The Times', Braverman po kërkon të imitojë një politikë të kryer nga qeveria e re Laburiste në fillim të viteve 2000, në të cilën ajo trajtonte kërkesat e azilkërkuesve nga vendet e ashtuquajtura “lista e bardhë” brenda 10 ditësh.

Lista përfshin edhe Shqipërinë, nga ku së fundmi ka një rritje të shqiptarëve që shkojnë drejt Britanisë së Madhe. Lista nuk është përdorur kohët e fundit për shkak të sfidave ligjore.

Ajo përfshin të gjitha vendet e BE-së si dhe Shqipërinë, Maqedoninë, Moldavinë, Bosnjën dhe Hercegovinën, Serbinë, Malin e Zi, Indinë, Mongolinë, Afrikën e Jugut, Korenë e Jugut dhe një numër vendesh të Amerikës së Jugut.

Kërkesat për azil nga vendet e përfshira do të konsideroheshin 'të pabazuara' sipas planeve, përveç nëse ekziston një arsye specifike për pranimin e tyre. Kjo do të përfshinte persekutimin nga qeveria e tyre dhe jo nga bandat e drogës apo organizatat terroriste.

Shqiptarët përbëjnë 12,000 nga 43,000 njerëz që kanë kaluar kanalin e La Manshit, me varka të vogla deri më tani këtë vit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gimi: 29/11/2022 09:48

    ju skeni kellqe me mbrojt nje kanal lamanshi na flisni per sigurine nderkombetare dhe sigurine e njeresve nga sulme te ndryshme haha

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

23 Janar, 10:42