Brazil, policia në grevë në qytetin
e Vitoria, shpërthen dhuna

BRAZIL-Më shumë se 1 mijë trupa ushtarake kanë zbarkuar në qytetin e Vitoria për të rivendosur qetësinë dhe rendin publikë në qytet, pasi shpërtheu një valë krimesh në momentin që forcat lokale të policisë hynë në grevë.

Që prej ditës së djelë, kohë kur forcat e policisë ndaluan patrullimi e tyre në qytet, e deri në këto momente raportohet të kenë humbur jetën disa dhjetëra persona.

Ndërkohë ministri i Brendshëm i Brazilit, Raul Jungmann, është shprehur se forcat ushtarake dhe ato të gardës janë vendosur në qytetin e Vitoria dhe do të qëndrojnë deri në momentin e rikthimit të paqes dhe qetësisë në qytet.

Nga raportimet e mediave vendase, mësohet se bankat, shkollat dhe shërbimi i shëndetit publik janë mbyllur për shkak të gjendjes së krijuar në vend.

Redaksia Online
D.T/Shqiptarja.com