POP 5

Lajmet më të lexuara të 5 minutave të fundit

Sport

Braziliani Philippe Coutinho
transferohet te Barcelona/VD

Braziliani Philippe Coutinho tashmë është një lojtar i Barcelonës. Merr fund me sukses transferimi i brazilianit nga Liverpool tek klubi katalanas, aty ku ai kishte këmbëngulur të shkonte. Coutinho pritet që të hënën të bëjë edhe prezantimin zyrtar tek katalanasit e Barcelonës, ku nuk do të jenë edhe të paktë tifozët që do ta presin.
Braziliani Philippe Coutinho tashmë është një lojtar i Barcelonës. Merr fund me sukses transferimi i brazilianit nga Liverpool tek klubi katalanas, aty ku ai kishte këmbëngulur të shkonte. Coutinho pritet që të hënën të bëjë edhe prezantimin zyrtar tek katalanasit e Barcelonës, ku nuk do të jenë edhe të paktë tifozët që do ta presin.

Philippe Coutinho vulos transferimin më të shtrenjtë në historinë e futbollit anglez, teksa firmos për Barcelonën për vlerën e 160 milionë eurove. Më në fund plotësohet kështu dëshira e 25-vjeçarit të përfaqësueses braziliane, që këmbënguli shumë edhe gjatë verës së kaluar për t’u transferuar në radhët e klubit katalanas.

Mendohet që në kontratë 120 milionë euro garantojnë shumën bazë të transferimit, ndërsa 40 milionët e tjerë do të jepen në varësi të bonuseve, pra përmbushjes së objektivave dhe arritjeve personale të futbollistit brazilian me ekipin e Barcës.

25-vjecari thyen kështu rekordin e Barcelonës, që mbahej nga sulmuesi francez i ardhur nga Borusia e Dortmundit Ousmane Dembele, për të cilin u paguan 105 milionë euro, por gjithashtu edhe rekordin britanik, që ishte vendosur nga një tjetër francez, Paul Pogba, për të cilin Manchester United shpenzoi po 105 milionë euro.

Përpara Coutinho-s natyrisht mbetet Neymar, që u transferua verën e kaluar nga Barca te Paris SG për shifrën rekord 222 milionë euro.

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50