Kanë qenë jo të paktë deputetët të cilët kanë shprehur rezerva për aksionin politik të kryedemokratit siç është bojkoti i zgjedhjeve.
Në replikat e zhvilluara sot mes kryetarit të opozitës Basha dhe deputetes Majlinda Bregu ka dalë në pah një element që zbulon dhe thotë shumë për tërheqjen e liderit të opozitës nga ‘oferta bujare’ e negociatorëve gjermanë.
“Ka qenë një gafë që nuk e pranuam propozimin e McAllister”, i ka thënë Bashës deputetja Bregu.
“Atë propozim ma kishin bërë dy javë më parë këshilltarët e Ramës", i është përgjigjur Basha. Ndërsa ka vijuar: "Kam vlerësuar parimet e propozimit të David McAllister, por jo formulën. Mbi këto parime duhet të operohet e të shkohet drejt një zgjidhjeje”, ka thënë Basha.
Deputetja demokrate Majlinda Bregu ka qenë një kritike e fortë e Lulzim Bashës.
Pas mbledhjes së sotme të grupit parlamentar, Bregu ka thënë se PD është në një situatë mjaft të rëndë dhe nevojitet rindërtimi i saj nga vetë demokratët.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)