TIRANË – Ministrja e Integrimit Majlinda Bregu doli sot në një konferencë shtypi për të demaskuar qëndrimin e kreut të opozitës, Edi Rama, kundrejt procesit të integrimit të vendit në BE.

"Për 200 ditë, bashkë me statusin, Edi Rama u ka mohuar qytetarëve dhjetëra milionë euro fonde të Bashkimit Europian", - tha ministrja e Integrimit.-"Vazhdon t’u mohojë shqiptarëve dhjetra-mijëra vende pune që lidhen me integrimin e vendit në BE. Vazhdon t’u mohojë të rinjve mundësi studimit, kualifikimit dhe karriere profesionale në vendet më të mira europiane.Sot është më e qartë se kurrë se bllokimi i Ramës nuk lidhet as me moralin e as me thelbin e këtyre tre ligjeve.

Bllokimi është politika e vetme e tij, është qëllimi i tij i vetëm elektoral.Për 200 ditë bashkë me statusin Edi Rama u ka mohuar qytetarëve dhjetëra milionë euro fonde të Bashkimit Europian. Vazhdon t’u mohojë shqiptarëve dhjetra-mijëra vende pune që lidhen me integrimin e vendit në BE. Vazhdon t’u mohojë të rinjve mundësi studimit, kualifikimit dhe karriere profesionale në vendet më të mira europiane.

Zvarriti e bllokoi në mënyrën më cinike tre ligjet, sepse kështu mendon se fiton vetë. Ai kujdeset vetëm për veten. Ai do vetëm pushtetin e tij. Asgjë dhe askush nuk vlen e nuk duhet, nëse s’i sjell atij fitoren. Ai nuk do t’ja dijë sa vende pune e sa para humbasin qytetarët e këtij vendi, sepse i vetmi shqetësim i tij është posti i tij", - tha Bregu.

Redaksia online
(ar.sh/shqiptarja.com)