Kokaina e zbuluar në Maminas e porositur nga afro 20 bleres duket se ishte e destinuar për në tregun europian. Burime Policore sqarojnë për Report TV se në 528 pakot e kokainës kishte një kod sekret. Pikërisht ky kod identifikon edhe blerësit e sasisë së kokainës. 020, KE, CA17 apo 777 janë disa nga kodet sekrete te ndryshme mbi pakot e kokainës që dallohen në pamjet e siguruara nga Report TV. Sipas burimeve janë rreth 20 kode sekrete mbi pakot e kokainës, që tregon se kemi të bëjmë me disa blerës të ndryshëm të kësaj saise kokaine të nisur nga Kolumbia, me destinacion Europën. Nga fotot vihet re se ka një sasi të konsiderueshme kokaine me kodin 020. Pjesa më e madhe e pakove mbajnë pikërisht këtë kod, që tregon se kemi të bëjmë me një blerës të fuqishëm të kokainës. Blerësit ose porositësit, paraqesin këto kod, në momentin kur shkojnë të bëjnë edhe pagesën e mbetur për kokainën, pasi një pjesë të pagesës e kanë bërë që në fillim në formë garancie.

Por sa kushton ngarkesa e kokainës së kapur në Maminas, duke nisur që nga vendi i prodhimit Kolumbi e deri sa shitej me pakicë në tregun europian. Sipas drejtuesve të policisë së Shtetit vlera e drogës, nëse do të shitej me pakicë në tregun evropian do të kapte shifrën 180 milionë euro. Ndërkaq, mësohet se një kilogram kokainë e blerë në portet kolumbiane kap vlerën nga 7 deri në 10 mijë euro për kilogram. Duke llogaritur edhe kostot e transportit por edhe garancinë e trafikantëve, në portet evorpiane një kg kokainë shko në vlerën nga 30 deri në 50 mijë euro. Pra e gjithë ngarkesa e kokainë së kapur në Maminas të Durrësit llogaritet të jetë blerë në Kolumbi me një çmim të përafërt 6 milionë euro, ndërsa në Europë kjo ngarkesë shkon deri në 30 milionë euro nëse do llogaritet me çmimin maksimal të shitjes me shumicë prej 50 mijë euro. Pra fitimi i trafikantëve të kësaj droge llogaritet në 24 milionë euro. Nëse do të marrim si të sakta informacionet konfidenciale të dhëna nga policia se numri i porositësve është mbi 20 atëherë fitimi për secilin trafikant është nga 1 deri në 2 milionë euro.

Por si funksiononte ky rrjet trafiku dhe cilët ishin porositësit apo trafikuesit. Ngarkesa nuk është porositur nga një person i vetëm, por nga individë apo organizata të ndryshme që më pas do të bënin edhe shpërndarjen e kokainës në vende të ndryshme evropiane. Secili nga këta individ apo grupe kriminale kanë bërë porosinë dhe pagesën për një sasi të caktuar dhe trafiku i kokainës është bërë nga persona të tjerë. Kjo e konfirmuar edhe nga kodet që janë gjetur në pakot me kokainë. Por kjo ngarkesë droge që në tregun me pakicë mund të shkonte deri në 180 milionë euro në vendin e origjinës, pra direkt tek fshatari prodhuesit kushton vetëm 1500 maksimumi deri në 2000 euro për kilogram, një cmim fare i papërfillshëm në krahasim me cmimin e tregtimit me pakicë në Europë.

Fotot e drogës

kokaina video

kokaina video


Redaksia Online
l.q/Shqiptarja.com