POP 5

Lajmet më të lexuara të 5 minutave të fundit

Kronikë

Britani/ Dënohen me 1 vit burg dy shqiptarë, punonin në një fermë kanabisi me vlerë 412 mijë paund

Bimët e kanabisit ishin në tre faza të ndryshme të rritjes për të krijuar një linjë prodhimi të afta të rriteshin nga 13 në 41 kilogramë kanabis gati çdo disa muaj.

Britani/ Dënohen me 1 vit burg dy shqiptarë, punonin në një fermë kanabisi me vlerë 412 mijë paund

Orgito Asllanaj dhe Koi Cunaj

BRITANI E MADHE-Dy shqiptarë janë arrestuar, pasi kishin krijuar një fabrikë kanabisi me  potencial për të prodhuar deri në 412,000 paund drogë.

Sipas medias së huaj ata janë Orgito Asllanaj dhe Koi Cunaj, të cilët u  kapën me 491 bimë të mbjella kur policia i arrestoi në flagrancë në kufirin Devon - Somerset më 22 shkurt.

Të shtatë dhomat ishin shndërruar për rritjen e tharjen e kanabisit. Teknologjia e lartë e ngritur kishte në mure, kanal, ngrohje, drita, dhe pajisje elektrike duke përfshirë transformatorët. Bimët e kanabisit ishin në tre faza të ndryshme të rritjes për të krijuar një linjë prodhimi të vazhdueshme të afta të rriteshin nga 13 në 41 kilogramë kanabis gati çdo disa muaj.

Asllanaj, vjeç 29 dhe Cunaj, vjeç 43, të dy pa vendbanim të rregullt, pranuan prodhimin e kanabisit dhe të dy u burgosën për një vit nga gjyqtari David Evans në Gjykatën Exeter Crown. Ata të dy do të deportohen si emigrantë të paligjshëm kur të mbarojnë dënimet.

“Ishte e qartë se kjo ishte një shkallë shumë e madhe profesionale dhe e ngritur me një kosto të konsiderueshme në ngrohje, ndriçim, kanal, rreshtim, tifozë, pleh dhe kështu me radhë", tha gjyqtarja Emily Pitts.

Avokati i Asllanaj tha se ai punonte në punë të zezë në larjen e makinave dhe se kishte nevojë për para për të mbështetur prindërit e tij të moshuar në Shqipëri. Ai shtoi se nuk ishte përgjegjës për operacionin dhe nuk do të kishte përfituar nga shitja e kanabisit.

Kurse avokatja e Cunaj tha se ai kishte qenë pa shtëpi në Londër dhe ranë dakord të kujdesen për bimët në këmbim të asgjë më shumë se strehimit.

Ajo shtoi se ai po e përjeton shumë keq, duke qëndruar mbyllur 23 orë në ditë në burg dhe është i dëshpëruar të kthehet te gruaja dhe fëmijët e tij në Shqipëri.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mili: 22/05/2020 03:09

    Ç surretër

    Përgjigju
  • Kafsha: 22/05/2020 02:04

    Bajga na nxoren bojene, bajga!

    Përgjigju
  • Shume pake Denim !: 21/05/2020 22:06

    Keta i ke perseri ne Aktivitet Kriminale ! vetem nese Ju therasin mendjes dhe Lutjet ne Zote te kthehen ne Jeten normale , duke punuar,,Pune te ndershme si gjithe Njerezimi..

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

10 Janar, 17:38