45-vjeçari shqiptar i mburrej trafikantëve se e kishte gruan oficere, bashkëshortja shkarkohet nga detyra! Përgjimet i nxjerrin zbuluar! Çifti bënte jetë luksoze në Angli

BRITANI E MADHE- Julian Agalliu, një shqiptar 45-vjeçar akuzohet nga Britania e Madhe për trafik droge. Ai ishte mes rreth 750 personave të arrestuar në të gjithë Mbretërinë e Bashkuar pasi sistemi i mesazheve telefonike të koduar Encrochat, i dyshuar se përdorej nga mijëra kriminelë, u zbulua nga hetuesit ndërkombëtarë, raportohet në mediat britanike.

Agalliu u arrestua në banesën e tij në qershor të vitit 2020 në Hadley Wood, pranë Enfield, në veri të Londrës, ku jetonte me bashkëshorten e tij, ish-oficeren e Policisë Metropolitane, Rasvinder Agalliu, dhe janë prindër të tre fëmijëve.

Gjatë kontrollit të banesës, Policia gjeti një sasi kokaine, kartën e saj të palestrës “David Lloyd” dhe në një kuti “Louis Vuitton”, peshore dixhitale dhe më shumë se 15,000 paund.

Bashkëshortja e tij, Rasvinder e cila ka punuar si oficere prej 15 vitesh u shkarkua nga detyra pasi një panel disiplinor nuk mori për bazë pretendimin e saj se nuk kishte dijeni që bashkëshorti i saj ishte i përfshirë në aktivitetin kriminal, atë të shpërndarjes së drogës.

Julian Agalliu akuzohet se ishte furnizues kryesor i drogave të klasit A dhe të klasit B, kur rrjeti i koduar telefonik popullor me krimin e organizuar u godit nga zbatimi i ligjit ndërkombëtar në vitin 2020.

EncroChat ishte një rrjet komunikimi dhe ofrues shërbimi me bazë në Evropë që ofronte telefona inteligjentë të modifikuar që lejonin komunikimin e koduar midis abonentëve. Ai u përdor kryesisht nga anëtarët e krimit të organizuar për të planifikuar aktivitete kriminale.

Thuhet se gjatë bisedave telefonike ai mburrjet të bashkëpunëtorët se ishte i martuar me një oficere të Policisë Metropolitane dhe madje Agalliut,  iu kërkua të kërkonte informacion të brendshëm prej bashkëshortes së tij oficere pasi rrjeti mbyllej në sistemin EncroChat.

Julian Agalliu dhe një shtetas britanik  Daniel McNeil-Duncan u identifikuan nga policia si përdoruesit e dy telefonave Encrochat. Ata i përdornin ato telefona për të organizuar furnizimin e sasive të mëdha të kokainës dhe kanabisit dhe në këtë aktivitet të pa ligjshëm bënë fitime të konsiderueshme. Shtetasi britanik u deklarua fajtor për trafik droge, ndërsa,  gjyqi ndaj shqiptarit vazhdon.

Ish-oficerja Agalliu, e cila ka qenë modele dhe ish-mis dhe bënte një jetë luksoze sipas asaj çka raportojmë mediat britanike. Ajo posedonte makina luksoze e veshje të shtrenjta, të cilat ngrinin dyshimet mbi origjinën e parave.

S.C/Shqiptarja.com

TAG:
• Rasvinder Agalliu
• Julian Agalliu
• trafik droge
• Britani e Madhe