Britani e Madhe/ Përfundojnë dënimin tre shqiptarët e arrestuar për kultivimin e sasisë së drogës me vlerë 300 mijë paund

BRITANI E MADHE-Tre shqiptarë kanë përfunduar dënimin pas arrestimit një vit më parë për kultivimin e një sasie droge që kapte vlerën e 300 mijë paund.

Sipas medias së huaj, shqiptarët kultivonin 136 bimë me vlerë midis 38,000 dhe 114,000 në Rrugën Maltby.

Ardit Gjonaj, 31 vjeç, Indrit Mehmeti, 30 vjeç dhe Ardi Mustafaj, 30 vjeç, punonin në fabrika kanabisi, kur u kapën përpara një viti.

Gjonaj dhe Mustafaj u kapën në oborrin e pasëm të një prone në Middlesbrough.

Oficerët e policisë në Britaninë e Madhe iu gjetën shqiptarëve mjetet e duhura që përdoren për prodhim kanabisi bashkë me makina e sende me vlerë.

Të tre thanë se kanë hyrë në territorin britanik në një mënyrë të paligjshme dhe se kanë qenë në fermat e kanabisit, dy ditë para se të arrestohen.

Mustafaj tha se udhëtoi nga Bristol në Middlesbrough me tren, por fillimisht mohoi çdo përfshirje me kanabis.

Gjonaj tha se kishte punuar në Middlesbrough si dekorator para se të ftohej të qëndronte në shtëpi nga miqtë shqiptarë, i cili më vonë ka pranuar pjesërisht akuzën.

Gjonaj, Mehmeti dhe Mustafaj më vonë të gjithë u deklaruan fajtorë për prodhimin e drogës të Klasit B.

"Unë jam i gatshëm të pranoj që ju, Mustafaj, keni luajtur një rol më të vogël në funksionimin e fabrikës së kanabisit. Por është e qartë se Gjonaj ka qenë shumë më i përfshirë. Keni luajtur një rol aktiv në atë që po ndodhte", është shprehur gjykatësi Paul Ëatson .

Gjonaj kishte dy telefona, 140 para cash dhe çelësat e një Audi.

Ai u burgos për 18 muaj. Mehmeti dhe Mustafaj, pasi kanë kaluar 9 muaj në burg, tashmë do të jenë të lirë. 

Avokati Jon Harley, duke përfaqësuar Mehmetin, tha se ai e pranoi fajin e tij gjatë gjithë kohës dhe kishte humbur lindjen e fëmijës së tij për shkak të burgosjes së tij.

Ata janë shtetasit e fundit shqiptarë që u përfshinë në tregtinë bujqësore të kanabisit Teesside, e cila më parë kishte përfshirë një numër të konsiderueshëm të shtetasve vietnamezë.

Katër shqiptarë që drejtonin një fermë "tregtare" kanabisi që strehonte mbi 200 bimë me një vlerë të vlerësuar rruge deri në 200,000 ëere u burgosën në fillim të këtij muaji.

Kleandi Moganu, 33 vjeç, Arben Ferra, 36 vjeç, Sami Ficorri, 29 vjeç dhe Armond Ficorri, 33 vjeç, drejtuan fermën nga një pronë tre-katëshe në Rrugën Hartington në Stockton.

TAG:
• Britani e Madhe
• kanabis
• ardit gjonaj