LONDËR- Protesta të dhunshme kanë përfshirë zonën e Dalstson në lindje të kryeqytetit britanik.
 
Protestat erdhën si pasojë e vrasjes së një personi me ngjyrë nga policia javën e kaluar.
 
Turma e protestuesve krijuan barrikada në vendin ku humbi jetën Rashan Charles, me kazanë mbeturinash, dyshekë dhe mbeturina të tjera shtëpiake dhe më pas i vunë flakën.
 
Protestuesit hodhën bomba me benzinë në drejtim të policisë duke rrezikuar jetën e efektivëve të cilët përdorën gaz lotsjellës dhe qentë e policisë për të shpërndarë turmën.
 
Protesta e sotme është e njëjtë me trazirat e Londrës në vitin 2011, të cilat u nxitën nga vrasja e së 29-vjeçarit Mark Duggan në Tottenham nga policia.