Britani/ Ish-sekretari i Jashtëm, Boris Johnson kryeson në garën për marrjen e postit të kryeministrit të ardhshëm

Ish-sekretari i Jashtëm i Britanisë, Boris Johnson kryeson sërish edhe në raundin e dytë të votimit në garën për marrjen e postit të Partisë Konservatore. Johnson ka siguruar 126 vota nga anëtarët e partisë.

Votimi u krye në Dhomën e Ulët, dhe morën pjesë 313 deputetët e partisë, ku Johnson u pasua nga sekretari i Jashtëm Jeremy Hunt me 46 vota.

Michael Gove, sekretari i Mjedisit, mori 41 vota, sekretari i Zhvillimit Ndërkombëtar Rory Stewart siguroi 37 vota, sekretari i Brendshëm Sajid Javid 33 dhe Dominic Raab, ish-sekretari i Brexit-it, 30 vota.

Raundi tjetër pritet të zhvillohet nesër ku do të kalojnë Jonson, Hund, Gove, Stewart dhe Javid.

Rab u eleminua nga gara pas marrjes së më pak se 33 votave që është pragu i nevojshëm për të kaluar në raundin tjetër.

Në raundin e ardhshëm, Boris Johnson do të përballet me katër kandidatë të tjerë.

126 votat e Johnsonit paraqesin një rritje për 12 vota nga numri i votave që mori në raundin e parë, që ishte 114.

Johnson, si në raundin e parë të votave, është i vetmi kandidat që ka marrë mbi 100 vota.

Në qoftë se në raundin e fundit Johnson arrin të ruajë këtë kryesim do të marrë postin e kryeministrit të ardhshëm të Britanisë.

 

TAG:
• Britani e Madhe
• Boris Johnson
• votim
• garë