Britani/ Tentohet të vidhet ‘Magna Carta’, 45-vjeçari theu xhamin për të nxjerrë dokumentin e çmuar

Policia britanike ka arrestuar së fundmi  një person i cili akuzohet se tentoi të vidhte dokumentin e famshëm “Magna Carta” në Katedralen në qytetin e Salisbury,  në Britaninë e Madhe. Washington Post raporton se një 45-vjeçar u përpoq të vidhte një kopje të “Magna Carta” , pas një sulmi në kishën  e qytetit britanik, në Salisbury .

Policia britanike njoftoi se i dyshuari theu xhamin e qelqtë me nje çekiç ku ruhet dokumenti i çmuar, dhe tentoi t’a nxirrte nga aty.

Sipas autoriteve të policisë vendase “Magna Carta” nuk është dëmtuar dhe askush nuk ka mbetur i  lënduar, ka thënë Nick Papadopoulos, drejtues i katedrales së hershme gotike angleze. 45-vjeçari është arrestuar dhe akuzohet për vjedhje dhe shkaktim dëmi.

LEXO EDHE:
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur

Çfarë është Magna Carta?

Dokumenti 803-vjeçar Magna Carta e njohur ndryshe si “Karta e Madhe” e të drejtave të njeriut ”është një ndër dokumentat më të rëndësishme të të drejtave në historinë politike.

E firmosur më 15 Qershor 1215 nga Mbreti anglez Xhon, Karta e të drejtave të njeriut është dokumenti i parë që vendoste praktikisht se askush, përfshirë këtu edhe mbretin nuk kishte të drejtë të dilte mbi ligjin.

E nënshkruar si një marrëveshje paqeje që synonte frenimin e rebelimit kundër mbretit, ajo në thelb garanton parimet bazë të të drejtave të lirive dhe të drejtave të njeriut.

TAG:
• vjedhje
• Salisbury
• magna carta
• 45 vjecari

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq