POP 5

Lajmet më të lexuara të 5 minutave të fundit

Bota

Britania miraton një ilaç të ri për trajtimin e COVID-19

Agjencia e barnave në Mbretërinë e Bashkuar ka miratuar një trajtim të ri për Covid pasi provat zbuluan se ai zvogëlon gjasat e shtrimit në spital dhe vdekjes me 79%

Britania miraton një ilaç të ri për trajtimin e COVID-19

Agjencia e barnave në Mbretërinë e Bashkuar ka miratuar një trajtim të ri për Covid pasi provat zbuluan se ai zvogëlon gjasat e shtrimit në spital dhe vdekjes me 79%.

Agjencia Rregullatore e Barnave dhe Produkteve të Kujdesit Shëndetësor (MHRA) ka autorizuar Xevudy (sotrovimab), një antitrup monoklonal i prodhuar nga GlaxoSmithKline (GSK) dhe Vir Biotechnology, për njerëzit me Covid-19 të lehtë deri në mesatar, që janë në rrezik të zhvillimit të sëmundjeve të rënda.

GSK dhe Vir Biotechnology thanë se të dhënat para klinike treguan se ilaçi "është efikas edhe kundër mutacioneve kryesore të variantit të ri Omicron Sars-CoV-2".

Qeveria e Mbretërisë së Bashkuar ka porositur rreth 100,000 doza të ilaçit. "Ky është një tjetër terapi që është efektive në mbrojtjen e atyre që janë më të rrezikuar nga Covid-19 dhe sinjalizon një tjetër hap të rëndësishëm përpara në luftën tonë kundër kësaj sëmundjeje shkatërruese."- tha MHRA në një deklaratë.

Bazuar në të dhënat e provës, ilaçi është më efektiv kur merret në fazat e hershme të infeksionit. Si rezultat, MHRA tha se duhet të jepet sa më shpejt të jetë e mundur dhe brenda pesë ditëve nga fillimi i simptomave.

Ilaçi është miratuar për njerëzit që kanë infeksion të lehtë deri në mesatar të Covid-19 dhe të paktën një faktor rreziku për zhvillimin e sëmundjes së rëndë. Këto përfshijnë obezitetin, të qenit 60 vjeç e lart, diabetin ose sëmundjet e zemrës.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Nëse SPAK-ut i rruhet për Ilirin dhe Monikën, ka 11 banjo tek një vilë në Gji të Lalëzit

Nëse SPAK-ut i rruhet për Ilirin dhe Monikën, ka 11 banjo tek një vilë në Gji të Lalëzit

20 Prill, 12:50 nga Ardit Rada