Britania e Madhe ka refuzuar sot propozimin e Spanjës për mbajtjen e bisedimeve të drejtpërdrejta, "sa më shpejtë që të jetë e mundur”, të cilat do të kishin temë kryesore sovranitetin e Gjibraltarit.

Këtë apel e ka bërë sot ministri i Jashtëm i Spanjës, Hoze Manuel Garssia Margaglio, nëpërmjet edicionit të sotëm të gazetës "The Wall Street Journal".

Por, zëdhënësi i kryeministrit britanik, David Cameron, ka deklaruar se, Londra nuk do të bisedojë me askënd lidhur me këtë temë.

"Sovraniteti për neve është çështje shumë e qartë”, theksoi zëdhënësi, dhe shtoi se, Britania e Madhe mund të paramendojë vetëm bisedime ndërmjet Spanjës dhe Gjibraltarit, dhe atë lidhur me peshkimin përreth kësaj enklave, por jo edhe për sovranitetin e as për kontrollin e ujërave në të cilat zhvillohet ky peshkim.

Redaksia Online
(e.s/shqiptarja.com)
 
Redaksia Online
(e.s/shqiptarja.com)
Redaksia Online
(e.s/shqiptarja.com)