Bruksel, ish-lideri i Katalonjës
paraqitet tek prokurorët belg

Prokurorët e Brukselit do të mbajnë  një konferencë për mediat  në lidhje me ish liderin e Katalonjës  Carles Puigdemont. Ai është paraqitur tek autoritetet belge pas urdhër arrestin ndërkombëtar të lëshuar nga Spanja.

Ai akuzohet nga autoritetet spanjolle për rolin që ka luajtur në  rolin e referendumit për pavarësinë e Katalonjës. 

Gjykata spanjolle u ka kërkuar anëtrëve të qeverisë rajonale të paraqiten në Madrit, si pjesë  e rebelimit të shpalljes së pavarësisë së rajonit  spanjoll.

Spanja kërkon paraqitjen e Puidgemont dhe 13 zyrtarëve të tjerë në seancën e së enjtes në Madrid, ndërsa avokati i tij ka thënë se  klienti i tij nuk do të kthehet në  Spanjë  dhe pse qeveria spanjolle kërkon ekstradimin e tij në Spanjë. Në lidhje me ekstradimin do të vendos gjykata belge dhe jo qeveria spanjolle.

Së bashku me liderin  e Katalonjës janë paraqitur edhe  katër bashkëpunëtorë të tij, pasi qeveria qendrore e  e Madridit ka imponuar  sundimin e drejtpërdrejtë mbi rajonin e Katalonjës.Lideri i Katalonjës ka thënë se nuk kërkon azil politik në Bruksel.

Ai do të shpjegojë rreth  kryengritjes, keqpërdorimit të fondeve publike, për mosbindje dhe shkelje të besimit, çështje këto që janë të lidhura  me fushatën e pavarësisë së Katalonjës.

Sipas procedurave belge,  duhen të paktën 24 orë për të vendosur nëse do të miratohet urdhërarresti i lëshuar nga autoritetet spanjolle. Gjithashtu procedurat e ankesave mund të zgjasin procesin deri në 45 ditë.

Redaksia Online
N.M/Shqiptarja.com