Bruksel, Parlamenti Evropian
voton për presidentin e ardhshëm

Ligjvënësit e Bashkimit Evropian do të votojnë sot për presidentin e ardhshëm të Parlamentit Evropian, duke kërkuar një pasues të liderit aktual të PE-së, Martin Schulz, i cili po largohet nga posti në Bruksel për t’u rikthyer në politikën gjermane.

Gara mes shtatë kandidatëve ka një favorit të qartë dhe pritet të zgjasë disa raunde, gjatë së cilës kandidatët do të përpiqen për marrëveshje ndërmjetësi me grupet parlamentare për të marrë mbështetjen e nevojshme.

Zgjedhja nuk kalon pa rënë në sy në mesin e dy grupeve më të mëdha politike të parlamentit, si Partia Evropiane Popullore me prirje të djathta (EPP) dhe Aleanca Progresive Aleanca Socialistëve dhe Demokratëve  me prirje socialdemokrate (S & D).

Sipas një dokumenti të publikuar javën e kaluar nga ana e EPP-së, grupi i qendrës së djathtë ra dakord në vitin 2014 për të mbështetur zgjedhjen e socialdemokratëve të  S&D, të Schulz në këmbim të një kandidati të EPP-së në zgjedhjet e ardhshme.

S&D po argumenton tani kundër zgjedhjes së një kandidati të qendrës së djathtë, duke thënë se kjo do të vendosë konservatorët në krye të të gjitha institucioneve kryesore të BE-së si, të komisionit, të këshillit dhe parlamentit.

EPP-ja, grupi më i madh parlamentar, dëshiron të shohë kandidatin e saj, Antonio Tajani të Italisë, të zgjidhet, ndërkohë që nga ana tjetër socialdemokratët duan kandidatin e tyre italian, liderin e S&D, Gianni Pittella.

Në tre raundet e para të votimit, një kandidat ka nevojë për një shumicë të thjeshtë në mesin e 751 anëtarëve të parlamentit. Asnjëra palë nuk ka një anëtarësi të madhe të mjaftueshme për të zgjedhur kandidatin e saj në këtë mënyrë, dhe pikërisht këtu vjen në lojë arritja e marrëveshjeve.

Zgjedhjet pritet të shkojnë në një raund të katërt, me fitoren e kandidatit që merr më shumë vota.

Redaksia Online
XH.K/Shqiptarja.com