BSH: Aksioni për energjinë
uli 1.2% konsumin e familjeve

TIRANE- Aksioni i mbledhjes me forcë të detyrimeve të prapambetura të energjisë ka dhënë efekt të dukshëm në ekonominë e vendit, duke ulur konsumin e familjeve, të cilat i orientuan të ardhurat drejt shlyerjes së faturave.

Sipas Bankës së Shqipërisë, kjo zhvendosje e të ardhurave të familjeve nga shpenzimet normale, drejt shlyerjes së faturave të energjisë, ka sjellë një rënie të konsumit privat prej 1.2% në bazë vjetore. “Konsumi privat regjistroi rënie vjetore me 1.2% në tremujorin e parë, duke reflektuar zhvendosjen e burimeve financiare drejt pagimit të faturave të prapambetura të energjisë elektrike, por edhe prirjen e konsumatorëve për të kursyer”, thekson Banka e Shqipërisë në Raportin e Politikave Monetare për tremujorin e dytë 2016.