POP 5

Lajmet më të lexuara të 5 minutave të fundit

Arkiva

BSH kundër Berishës:
Ekonomia rënie 7.9%

Departamenti i Politikës Monetare pranë Bankës së Shqipërisë ka publikuar dje rezultatet e vrojtimit të besimit të bizneseve dhe konsumatorëve për tremujorin e fundit të vitit 2011. Sipas bankës qendrore, treguesi i ndjesisë ekonomike ra me 7.9 pikë përqindjeje në tremujorin e katërt të vitit 2011 dhe 16.5 për qind poshtë mesatares së tij afatgjatë.
Bizneset shqiptare nuk janë optimiste lidhur me situatën ekonomike në vend. Sipas bankës qendrore, treguesi i ndjesisë ekonomike ra me 7.9 pikë përqindjeje në tremujorin e katërt të vitit 2011 dhe 16.5 për qind poshtë mesatares së tij afatgjatë. Të pyetura nga BSH, ato kanë dhënë vlerësimin e tyre lidhur me klimën e përgjithshme të biznesit; aktivitetin e përgjithshëm të firmës; çmimet e prodhimit; tregun i punës; konkurrencën dhe gjendja financiare e shfrytëzimin e kapaciteteve prodhuese. Sipas tyre, ato e perceptojnë me rënie të ndjeshme ekonominë. Në keqësimin e treguesit të ndjesisë ekonomike ndikoi ndjeshëm ulja e besimit në sektorët e ndërtimit dhe të shërbimeve, ulje e cila nuk u kompensua nga rritja e lehtë e besimit në sektorin e industrisë.

Industria
Treguesi i besimit në industri (TBI) shënoi një rritje të vogël prej 0.8 pikë përqindjeje, në tremujorin e katërt të vitit 2011, por edhe këtu vihet re konstatimi i prodhimit industrial në rënie.

Ndërtimi
Ndërkohë, treguesi i besimit në ndërtim (TBN) ra me rreth 7.2 pikë përqindjeje në tremujorin e katërt të vitit 2011. Gjatë vitit 2011 vihet re një përkeqësim i vazhdueshëm i besimit në ndërtim, duke shënuar në tremujorin e fundit të vitit vlerën më të ulët historike të tij, -26.2 %.

Shërbimet
Po kështu, treguesi i besimit në shërbime (TBSH) regjistroi rënie të theksuar me 10.4 pikë përqindjeje në tremujorin e katërt të vitit 2011, duke arritur në nivelin më të ulët që nga fillimi i matjes së tij.

Konsumi
Por, treguesi i besimit të konsumatorëve (TBK), vijoi të rritet në tremujorin e katërt të vitit 2011, për të tretin tremujor radhazi. Pasi u përmirësua me rreth 1.8 pikë përqindjeje në tremujorin e tretë, TBK-ja shënoi rritje me rreth 3.1 pikë përqindjeje në tremujorin e fundit të vitit 2011. Përmirësimi i besimit konsumator gjatë këtij tremujori u ndikua kryesisht nga përmirësimi i balancës mbi blerjet në shuma të mëdha.
Në këtë kategori vlerësimi, balanca e pritjeve mbi situatën financiare të familjeve në tremujorin e ardhshëm, shënoi një rënie në terma tremujorë me rreth 0.7 pikë përqindjeje, duke dhënë kontribut negativ në TBK.
Tek pyetësori i konsumatorëve vlerësohen kushte të tilla si gjendja financiare; gjendja e përgjithshëm ekonomike; pritjet mbi ecurinë e çmimeve dhe shpenzimet e kursimi.

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50