Një tren mallrash ka dalë nga shinat dhe ka shpërthyer në Bullgari duke shkaktuar vdekjen e 5 personave dhe plagosjen e 27 të tjerëve.

Ministria e Brendshme e Bullgarisë ka bërë me dije se treni ishte duke transportuar cisterna gazi dhe ka dalë nga shinat në fshatin Hitrino ku më pas ka shpërthyer.

Në fashtin Hitrino janë dëmtuar edhe 50 shtëpi si pasojë e shpërthimit, prej të cilave është arritur të evakuohen 12 persona të cilët rrezikonin jetën.

Ende nuk dihet shkaku që ka çuar në daljen e trenit nga shinat dhe më pas shpërthimin e tij.

Redaksia Online
(D.T/Shqiptarja.com)