Bullgari, atentat turistëve izraelitë
8 të vdekur: “Është dora e Iranit”
Një atentat në Bullgari ndaj një autobusi me turistë izraelitë i ka marrë jetën të paktën tetë personave ndërsa 30 të tjerë janë plagosur. Ngjarja ka ndodhur pasditen e sotme kur një grup prej 40 turistësh të nisur nga Tel Aviv mbërritën në aeroportin e Burgas, qytet buzë Detit të Zi, dhe po ngjiteshin në autobusin që do t’i shoqëronte në udhëtimin e tyre.
BURGAS, Bullgari - Një atentat në Bullgari ndaj një autobusi me turistë izraelitë i ka marrë jetën të paktën tetë personave ndërsa 30 të tjerë janë plagosur. Ngjarja ka ndodhur pasditen e sotme kur një grup prej 40 turistësh të nisur nga Tel Aviv mbërritën në aeroportin e Burgas, qytet buzë Detit të Zi, dhe po ngjiteshin në autobusin që do t’i shoqëronte në udhëtimin e tyre. Katër autobusë të tjerë, me turistë nga vende të tjera në bord, të parkuar pranë atij të sulmuar, morën flakë si pasojë e shpërthimit dhe mendohet se mes të plagosurve mund të ketë edhe turistë nga shtete të tjera.
Dëshmitë e para nënvizuan natyrën terroriste të ngjarjes ndërkohë që, pas hetimi të shkurtër, edhe policia bullgare e konfirmoi këtë version. Autoritetet bullgare konfirmuan gjithashtu edhe bilancin tragjik të publikuar nga mediat izraelite.
Kryeministri izraelit Netanuyahu deklaroi se “gjithçka të shtyn të mendosh se ka qenë Irani” autori aktit terrorist.
Gal Malka, një dëshmitar i intervistuar nga një tv izraelit, Channel 2, ka treguar se ka parë dikë të ngjitej në autobus dhe menjëherë më pas ndodhi shpërthimi. Kjo bën të dyshohet për një sulm kamikaz. Rrëfimi i tij është i ngjashëm me atë që një tjetër dëshmitare, Aviva Malka, i dha radios së Ushtrisë izraelite: “Ishte një kamikaz. U ulëm dhe pak sekonda më pas dëgjuam shpërthimin e madh dhe u larguam përmes çarjes së autobusit. Pamë trupa dhe shumë të plagosur”.
Zëdhënësi i Ministrisë së Jashtme të Izraelit, Jonathan Rosenzëeig, shpjegoi se shpërthimi ndodhi rreth 40 minuta pas mbërritjes së turistëve në aeroportin e Burgas, rreth orës 15:45.
Autoritetet bullgare mbyllën aeroportin, duke postuar të gjithë fluturimet në Varga. Ministria e Jashtme e Izraelit ka formuar një ekip ekspertësh që do të niset për në Burgas ku do të ndihmojë autoritetet lokale, që sipas një dëshmitari, kanë reaguar me vonesë ndaj atentatit.
Atentati në Burgas ndodh në 18 vjetorin e aksionit terrorist që në Buenos Aires, në vitin 1994, i mori jetën 85 personave dhe plagosi 300 të tjerë. Atëherë, një grup terrorist goditi me një autobombë ndërtesën e selisë së një shoqate hebraike. Për atë atentat, autoritetet argjentinase akuzuan elementë iranianë dhe eksponentë të Hezbollah.
Sipas kanalit televiziv Channel 10, ministri i Mbrojtjes izraelit, Ehud Barak, pas një konsultimi me këshilltarët e tij, ka thënë: “Izraeli do të dijë të gjejë e ndëshkojë përgjegjësit. Ndërkohë izraelitët të ruajnë qetësinë dhe të vazhdojnë të udhëtojnë jashtë vendit”.
(im/shqiptarja.com)
Sondazhi i ditës:
Shqipëria dy medalje bronzi në Lojërat Olimpike, e kujt është merita?
-
E sportistëve
83.5%
-
E Komitetit Olimpik
12.4%
-
E qeverisë
4.1%
Vota total: 8348
Votat totale janë unike
Lajme të tjera
-
Egnatia merr portierin e AEK-ut të Athinës
13 Gusht, 15:12
-
Media italiane Vanity Fair Italia: Pushoni në plazhet idilike të Shqipërisë
13 Gusht, 15:08
-
Dibër/ Lejoi dy banorë të prisnin pemët e ahut te “Liqeni i Bataçes”, nën akuzë inspektori i Drejtorisë së Bujqësisë
13 Gusht, 14:59
-
Dy të dehur spërkasin me alkool veturën e parkuar dhe i vënë flakën, Policia e Korçës i arreston! Plagoset me biçak 75-vjeçari në Pogradec
13 Gusht, 14:43
-
VIDEO/ I vendos flakën makinës së 19-vjeçarit, por për pak sa nuk digjet vetë, vihet në hetim i mituri në Vlorë
13 Gusht, 14:33
-
Nisin kontaktet, Marash Kumbulla larg Romës! Bashkohet me mbrojtësin e Kombëtares
13 Gusht, 14:32
-
FBI hetim pas akuzave të Trump për sulm kibernetik iranian! Ekipi i kandidatit për president: Janë vjedhur dokumente të ndjeshme fushate
13 Gusht, 14:19
-
Kërkon të artën, federata e mundjes ankimon në CAS rezultatin e Valiev në çerekfinale! Pak shpresë për ndryshimin e vendimit
13 Gusht, 14:05
-
Zhdukja e anijeve “Maersk” me 816 tonë mbetje në kontenierë, zbardhet itinerari dhe kronologjia e plotë! Tajlanda: Ngarkesa do kthehet mbrapsht
13 Gusht, 14:03
-
Paris 2024/ Rekorde dhe kuriozitete nga Lojërat Olimpike
13 Gusht, 13:59
-
Kolegji i Europës në Tiranë është gati të hapë dyert, Rama: Ofertë e re akademike për Shqipërinë evropiane
13 Gusht, 13:44
-
Shkrumboi 10 ha me kullota dhe 320 rrënjë ulliri në Selenicë, arrestohet 63-vjeçari
13 Gusht, 13:34