Receta

Burani me spinaq dhe beshamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Tetor, 12:02 | Përditesimi: 1 Tetor, 12:07

Vezë të furrës me spinaq dhe beshamel

Përbërësit:

4-5 kokrra vezë
500 gr spinaq
400 gr beshamel
1 thelpi hudhër
1 lugë uthull vere e bardhë
60 gr djathë parmixhan
4 lgj vaj ulliri
Kripë, piper

Përgatitja:

LEXO EDHE:
Sallatë ruse nga zonja Albana

Fillimisht nxehim furrën në 200 gradë Celsius. Ndërkohë ziejmë spinaqin në pak ujë të vluar me kripë. E kullojmë dhe e shtrydhim nga uji i tepërt. Më pas e kaurdisim spinaqin dhe hudhrën në një tenxhere të madhe me 4 lugë vaj, në zjarr mesatar për 2-3 minuta. I hedhim spinaqit kripë dhe e hapim në një tavë furre të madhe. Vlojmë ujë me kripë në një tenxhere plot, shtojmë uthullën, thyejmë një vezë në një pjatë dhe e hedhim në ujë ngadalë. E përsëritim veprimin me vezët e tjera dhe i lëmë në zjarr 5 minuta. I kullojmë më pas me një lugë me vrimë dhe i vendosim në tavë mbi spinaqin. E mbulojmë sipërfaqen me beshamel dhe djathë të grirë parmixhan. E lëmë tavën në furrë 5 minuta, derisa të prarohet lehtë dhe e shërbejmë të ngrohtë.