POP 5

Lajmet më të lexuara të 5 minutave të fundit

Bota

Burimi kryesor i informacionit gjatë perandorisë së Habsburgëve, ‘ditë e errët’ për një nga gazetat më të vjetra në botë

Parlamenti i Austrisë ditën e djeshme vendosi t’i japë fund shtypjes së njërës prej gazetave më të vjetra në botë.

Burimi kryesor i informacionit gjatë perandorisë së Habsburgëve, ‘ditë e errët’ për një nga gazetat më të vjetra në botë

Parlamenti i Austrisë ditën e djeshme vendosi t’i japë fund shtypjes së njërës prej gazetave më të vjetra në botë.

“Wiener Zeitung” tashmë do të jetë vetëm në versionin online. Shkak për vendimin e marrë është hapi i fundit i një mosmarrëveshje shumëvjeçare mes qeverisë austriake dhe gazetës.

E themeluar në 1703 me emrin Wiennerisches Diarium, dhe më vonë e riemëruar Wiener Zeitung në 1780, gazeta dikur private u shtetëzua nga perandori Franz Joseph I i Austrisë në 1857, duke u bërë gazeta zyrtare e vendit gjatë monarkisë së Habsburgëve.

Në vitin 2021, koalicioni qeverisës vendosi që gazeta, në pronësi të qeverisë austriake, të ndalonte publikimin e reklamave të kompanive, e cila ishte burimi kryesor i financimit të saj.

“Gazeta ka më shumë lexues mbi moshën 90 sesa nën 30,” tha Ministrja e Familjes dhe Medias Susanne Raab e Partisë Konservatore Popullore Austriake.

Shkrimtarja austriake dhe fituesja e çmimit Nobel, Elfriede Jelinek dhe artisti André Heller janë disa nga njerëzit e shquar që u përpoqën të ruanin botimin e shtypur. Përfaqësuesit e opozitës e kritikuan vendimin sepse mendojnë se varfëron hapësirën mediatike.

“Është një goditje për politikën dhe kulturën mediatike,” tha nënkryetari i Partisë Social Demokrate (SPÖ), Jörg Leichtfried.

Zbatimi i vendimit do të nisë që nga data 1 korrik.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01