Burrat nuk sjellin lekë në shtëpi, gratë kërkojnë të ndahen! Çdo ditë në Durrës një çift i jep fund martesës! 147 kërkesa për divorc në 3 muaj

Nga Janari në Mars plot 147 çifte i kanë dhënë fund martesës në qytetin e Durrësit, thënë ndryshe një familje ndahet çdo ditë në gjykatë! Kryesisht janë gratë ato që e kërkojnë divorcin, thotë avokatja Merita Çela Dakovelli, e cila shpjegon se dominojnë shkaqet ekonomike. Gratë pretendojnë se burrat nuk punojnë ose kanë paga të ulëta që nuk mbulojnë shpenzimet në familje.

"Shkaqet janë kryesisht emigrimi, shkaqet ekonomike janë në dominancë, rritja e ndërgjegjësimit të të drejtave të grave në familje, që dikur janë shkelur, influenca e prindërve në marrëdhëniet familjare të çifteve të reja. Përgjithësisht janë gratë ato që kërkojnë zgjidhjen e martesës për shkaqe ekonomike, kur partneri abuzon me të ardhurat familjare", shprehet avokatja për mikrofonin e Report TV.

Afërdita Ibrahimi punonjëse sociale në Gjykatën e Durrësit thekson se fëmijët pësojnë dëmin më të madh pasi shfaqin sjellje agresive. Vetëm 10 për qind e tyre ndiqen me psikolog. Kjo për shkak se gjykatat kanë numër të pamjaftueshëm psikologësh dhe nga ana tjetër vetë prindërit nuk interesohen për këtë shërbim.

"Mbyllen në vetvete, nuk kanë shoqëri të mirë, sjellje agresive, etj. Shumë pak çifte  e zgjidhin me mirëkuptim martesën dhe fëmijët pësojnë trauma pasi janë të pranishëm gjatë debateve. Rastet kur këta fëmijë ndiqen me psikolog janë të pakta. Mund të them se nga 20 zgjidhje martese, vetëm 2 i ndjekim më tej fëmijët me seanca psikologjike", tha Ibrahimi.

Statistikat zyrtare të Gjykatës së Durrësit tregojnë trendin në rritje të vendimeve për zgjidhje martese gjatë 4 viteve të fundit.

TABELA

2019 - 671 ZGJIDHJE MARTESE

2020 - 503 ZGJIDHJE MARTESE

2021-  586 ZGJIDHJE MARTESE

2022- Tre-Mujori i Parë 147 ZGJIDHJE MARTESE

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • NASI: 07/06/2022 18:16

    Jane burrat qe rrine tu pi birra e tu lujt bixhoz e sdine me majte grun e kalamajt.....BUrra lleshi

    Përgjigju
  • Haxhiu: 30/04/2022 20:51

    Kjo merita eshte nje mashtruese qe se ben me nena

    Përgjigju
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

VIDEO/ Italianët ‘përgjërohen’, tifozët shqiptarë u thyejnë makaronat para syve

VIDEO/ Italianët ‘përgjërohen’, tifozët shqiptarë u thyejnë makaronat para syve