POP 5

Lajmet më të lexuara të 5 minutave të fundit

Arkiva

Bushat, Berisha: Do t'ju japim çdo
qindarkë për dëmet nga përmbytja

Nga Bushati ku ka prezantuar kandidatët për deputet për zgjedhjet e 23 qershorit, kreu i PD ka premtuar se do t'u japë banorëve të kësaj zonë çdo qindarkë për dëmet e shkaktuara nga përmbytja, edhe pse deri më tani nuk është bërë asgjë konkrete në këtë drejtim.
Bushat, Berisha: Do t'ju japim çdo<br />qindarkë për dëmet nga përmbytja
BUSHAT- Nga Bushati ku ka prezantuar kandidatët për deputet për zgjedhjet e 23 qershorit, kreu i Partisë Demokratike ka premtuar se do t'u japë banorëve të kësaj zonë çdo qindarkë për dëmet e shkaktuara nga përmbytja, edhe pse deri më tani nuk është bërë asgjë konkrete në këtë drejtim.

"Do merrni qindarkë për qindarkë ato që ju takojnë për përmbytjet dhe për këtë është garant Sali Berisha dhe qeveria. Alternativa jonë është e mundit e djersës, e begatimit, e dinjitetit, e ecjes përpara”, deklaroi Berisha.

Gjatë fjalës së tij para elektoratit, kreu i kësaj force politike dhe njëherësh kryeministri i Shqipërisë, tha se PS është alternativa e mashtrimit. Sipas tij, “heqja e TVSH-së për grurin apo miellin, do të dëmtojë rëndë prodhimin dhe shitjen e këtyre produkteve, pasi nuk do të mund të konkurrojnë prodhimet e huaja. Kjo do t'ju çojë drejt falimentimit”. nër
 
Duke thnënë se alternativa e PS-së është ajo të mashtrimit, kreu i qeverisë tha se "përballë nesh qednron alternativa e mashtrimit, tepër e rrezikshme për fermerët e Bushatit, të Shqipërisë. Shoku i autobusit që endet si Nastradin nëpër rrugët e Shqipërisë, ju deklaroi qytetarëve të Delvinës së do heqë TVSH-në për 5 produkte bujqësore. Kjo domethënë t’ua kalbësh në ara, të falimentosh femrat. Sepse TVSH është mbrojtja që u behet nga ushqimet e importuara. Të heqësh TVSH për ushqimet domethënë të rrëzosh përtokë fermat shqiptare, mundin dhe djersën e fermerëve shqiptarë. Ajo është e vetmja mburojë që ju mbron nga një vërshim i gjithanshëm i prodhuesve të vendeve të tjera që marrin subvencione kolosale. Nastradini përpiqet t’ju mashtrojë ju dhe thotë se taksa e sheshtë është e pandershme. Shoku i autobusit do t’ju paraqesë ju për të ndershme taksën e Marksit, Spiro Kolekës, taksën me të cilën rrënohen bizneset".

Berisha tha se "Komuna e Bushatit ka njohur zhvillimin e një infrastrukture moderne, dhe së shpejti do të ndërtohet rruga Bushat-Velipojë".
 
Sipas kreut të qerisë, ndërtimi i Hidrocentralit të Ashtës, i ka dhënë një zhvillim më të madh kësaj zone, dhe ka ndikuar në rritjen e punësim.

TOPALLI: DOSHIN E RAMEN JU DO T'I RRIHNI ME VOTE ME 23 QERSHOR
Gjatë fjalës së saj para elektoratit, kryetarja e Kuvendit të Shqipërisë, Jozefina Topalli, tha se PD ofron një alternativë për më shumë mundësi për investime dhe punësim dhe në qarkun e Shkodër do marrë 8 mandate.
Duke iu përgjigjur Tom Doshit dhe Ramës të cilët javën e kaluar zhvilluan fushatën në Shkodër Topalli tha: Rama dhe Doshët thonë se të rreh Jovefina, por ju do t’i rrihni me votën tuaj në 23 qershor dhe në Shkodër do të marrim 8 mandate."

TOPALLI: RAMA, HESHTJE MORTORE PER 3 LIGJET
Topalli tha se alternativa tjetër, është ajo e bllokimit, e cila pengoi votimin e tre ligjeve.  Ndërkaq u shpreh se “kreu i PS nuk gjeti 2 minuta kohë për të reaguar për 3 ligjet. Heshtje mortore”.

Sipas Topallit, “Edi Rama njeh vetëm rritjen e taksave. Ai është alternativa antibiznes”.

Ndërsa, kandiatë për deputet për këtë komunë Gjok Uldedaj, tha se "qeveria për 8 vite ka krijuar një klimë miqësore biznesi". Uldedaj tha se investimet e bëra në një sërë sektorësh, si dhe në hidrocentaralin e Ashtës, kanë krijuar më shumë mundësi për punësimin e qytetarëve të Bushatit.
 
Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mahmutaj për Report Tv: Gjyqtarja Fetahu e lidhur me bandën e Çelës, porositi vrasjen e një gazetari! Zgjodhi rrugën më të pisët

Mahmutaj për Report Tv: Gjyqtarja Fetahu e lidhur me bandën e Çelës, porositi vrasjen e një gazetari! Zgjodhi rrugën më të pisët

27 Nëntor, 19:37