Trajneri i Kombëtares U-21, Alban Bushi, ka shpallur listën e futbollistëve që do të grumbullohen për dy ndeshjet e radhës eliminatore. Ekipi i Shpresave të Shqipërisë do të ketë dy ndeshje mjaft delikate, pasi do të luajnë ndaj Sllovakisë dy herë brenda 4 ditëve.

Bëhet fjalë për një kundërshtar direkt, teksa Shqipëria ëndërron ende për një vend të dytë në renditje, për t’u kualifikuar nga faza e grupeve. Në listën e lojtarëve për këto dy ndeshje shihen 8 futbollistë të ardhur nga kampionati shqiptar.

“Në fushë për të fituar, ky është objektivi ynë i vetëm”, - deklaroi trajneri i ekipit kombëtar U-21, Alban Bushi në daljen e tij publike në vigjilje të ndeshjes zyrtare eliminatore me Sllovakinë në 23 mars në “Selman Stërmasi”. Përpara gazetarëve, trajneri Bushi ka paraqitur edhe listën e lojtarëve që ka grumbulluar, listë e cila ka qenë e kondicionuar jo pak nga dëmtimet e shumta, në një kohë që trajneri beson te kjo skuadër:

“Unë mendoj që Sllovakia është një skuadër e konsoliduar, janë një grup që kanë dy vjet që rrinë bashkë e luajnë bashkë. Por, mendoj se nuk do ta kenë aspak të lehtë kundër ekipit tonë. Që më hedhjen e shortit, ata së bashku me Spanjën e Islandën ishin favoritë të grupit, por ne do të luajmë vetëm për të fituar. Edhe pse kemi shumë dëmtime të lojtarëve, sërish kam bindjen që kjo skuadër mund t’ia dalë. Në lidhje me kalimin te skuadra A e Abazajt dhe Ramadanit, jam i lumtur. Një trepikësh nga ana jonë një ftesë e tillë për këta lojtarë, për të qenë në funksion të skuadrës kombëtare. Gjatë gjithë javës do të punojmë shumë në lidhje me ndeshjen dhe do të futemi për të fituar, më pas të mendojmë edhe për takimin e dytë”,- citoi trajneri.

%u200BLista
Lista

d.b/shqiptarja.com