Buxheti, 2017 ka 5.7 të ardhura
plus, por mungojnë 100 mln €
Periudha elektorale e rriti deficitin buxhetor me 16 për qind krahasuar me 2016-ën.
Në konferencën për shtyp të ditës së djeshme, ministri i Financave dhe Ekonomisë Arben Ahmetaj ka paraqitur shifrat e realizimit të zërave kryesorë të buxhetit të shtetit për vitin e kaluar. Sipas tij, të ardhurat totale të buxhetit të konsoliduar të shtetit, ku përfshihen të ardhurat e qeverisë qendrore, të pushtetit vendor dhe të institucioneve të tjera publike, ngecën në 430 miliardë lekë, nga 443 miliardë që ishin planifikuar nga akti normativ i qeverisë, që bëri ndryshimin e fundit në Buxhet. Të ardhurat faktike janë të barabarta me 27.7% të prodhimit të brendshëm bruto, nga 28.5% që ishin planifikuar. Në fakt, kjo tregon që bilanci i buxhetit të shtetit për vitin 2017 është mbyllur me të ardhura gati 100 milionë euro më pak se shifra e planifikuar. Rritja ishte 5.7 për qind në raport me faktin e vitit 2016, teksa plani vjetor nuk u realizua me 2.7 për qind.
Nga zërat kryesore, rritja më e madhe u shënua nga tatimin mbi fitimin, mbi 8%, si në raport me planin 2017, ashtu dhe faktin e 2016-ës. Të ardhurat nga TVSH, që është prurësi kryesor i buxhetit, rezultuan 6.2 për qind më të larta se plani, ndërsa në raport me planin e vitit rënia ishte 1.2 për qind.
Akciza shënoi një rritje faktike me 10 për qind, por ne krahasim me planin të ardhurat nga ajo ishin -1.3 për qind më të ulëta.Tatimi mbi të ardhurat personale shënoi një rritje të lehtë krahasuar me 2016, por ka një mosrealizim të theksuar prej 11 % në raport me planin 2017, si pasojë e amnistisë fiskale që uli tatimin mbi të ardhurat nga rivlerësimi i pasurive të paluajtshme.
Gjithashtu të ardhurat nga sigurimet shoqërore kanë shënuar një rritje gati me 10 për qind në raport me vitin 2016, teksa rritja ka vijuar edhe në raport me planifikimin e vitit me rreth 3 për qind. Arkëtimet u nxiten nga rritja e pagës minimale në shkallë vendi me 200 mijë lekë, çka ka ndikuar automatikisht pagesat për sigurimet.
Mungesa e të ardhurave detyroi qeverinë të kursejë edhe te shpenzimet. Kursimet më të mëdha u kryen te fondi i investimeve publike në masën 5 miliardë lekë. Ndërsa niveli i deficitit në vitin 2017 rezultoi në rreth 31 miliardë lekë, rreth 4.3 miliardë lekë më i lartë se e njëjta periudhë e një viti më parë, ose 16.3 për qind më shumë.
Ndërtimi
Ndryshe nga sa është deklaruar kohët e fundit nga opozita, Ahmetaj tha se rritja në sektorit të ndërtimit i atribuohet rritjes së huave për ndërtim. “Ekonomia është në një trajektore rritëse të qëndrueshme. Janë rritur huatë për ndërtim, si përgjigje e pyetjes se ku dalin paratë për ndërtim. Kjo rrëzon qëndrimet politike apo emocionale të çdokujt”, ka thënë ministri. Huaja për pasuritë e paluajtshme është rritur me 6%, shtoi ai.
Papunësia
Ministri përmendi edhe uljen e papunësisë në vend. “Punësimi u rrit në 2017-ën. Krahasuar me 2014-ën, ka ulje prej 4% papunësia, gati rritje prej po 4% të pjesëmarrjes në forcat e punës. Në mandatin e dytë të qeverisë Rama, papunësia po shkon drejt shifrës njëshifrore“.
Ekonomia
Ahmetaj në vijim të fjalës së tij dha një panoramë të përgjithshme të ecurisë së ekonomisë në vend. “Pati 12.1% rritje eksportet në 2017, ja nga vjen monedha e huaj. Rritja e eksporteve në janar është 23.6%, perspektiva është e mirë, ka përmirësim të bilancit të pagesave. Është përmirësuar ekonomia për shkak të reformave. Eksportet bujqësore në janar 2018 janë rritur 40.3%. Borxhi publik ka qenë në trajektore rënëse nga 2013 në 2017”, tha ministri.
![buxheti](http://www.shqiptarja.com/foto/327804.jpg)
Tabela me pasqyrën e të ardhurave
![buxheti](http://www.shqiptarja.com/foto/327803.jpg)
Komisioni i pavarur i kualifikimit
d.gj/ Shqiptarja.com
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.3%
-
Jo
18.7%
-
Ndoshta
11.9%
Vota total: 2675
Votat totale janë unike
Lajme të tjera
-
Harris: Vota e 5 nëntorit është 'një zgjedhje mes lirisë ose kaosit'
24 Korrik, 10:15
-
50 medikamente të reja për sëmundjet onkologjike, Koçiu: Shtim të numrit të fishave të diabetit falas
24 Korrik, 10:04
-
Përmet/ Turistja franceze rrëzohet në një përrua dhe mbetet e gjymtuar, nxirret me helikopter nga lugina! Dërgohet për kurim në Tiranë
24 Korrik, 10:03
-
Shenjat që tregojnë se dhimbja e kokës është në të vërtetë migrenë
24 Korrik, 09:58
-
'Nga Shqipëria në SHBA brenda 15 ditëve kundrejt 20 - 45 mijë $!' SPAK zbardh skemën si vepronte grupi kriminal: Ishte i organizuar në nivel transnacional
24 Korrik, 09:46
-
Greqi/ Vidhnin njësi akomodimi turistike në Mykonos! Arrestohet një 32- vjeçar shqiptar! 3 bashkëpunëtorët në kërkim
24 Korrik, 09:34
-
Korçë/ Dyshohet se abuzuan seksualisht me një të mitur, 2 të arrestuar në Maliq
24 Korrik, 09:25
-
Këngëtarja Giusy Ferreri mesazh për fansat para koncertit: E lumtur që kthehem në Tiranë më 29 korrik, ju pres në stadiumin 'Selman Stermasi'
24 Korrik, 09:20
-
Aksident në aksin Gjirokastër-Tepelenë, makina përplas 75-vjeçaren! E moshuara dërgohet në spital
24 Korrik, 09:07
-
Bandat shqiptare reklamonin kalimin në Britani me gomone, agjencia britanike e krimit heq rreth 12 mijë postime në rrjetet sociale
24 Korrik, 09:03
-
Zyrtare/ Sylvinho rinovon me Kombëtaren, firmosin edhe ndihmësit e trajnerit
24 Korrik, 08:55
-
Netanyahu flet sot në Kongresin Amerikan, kërkon mbështetje e SHBA për luftën në Gaza
24 Korrik, 08:54