X

POP 5

Lajmet më të lexuara të 5 minutave të fundit

Sport

Bylis-Tirana e trukuar? Sot bardheblutë japin llogari tek etika

Komisioni i Etikës mblidhet sërish sot në orën 14:00 për ndeshjen e dyshuar si të trukuar Bylis-Tirana. Nëse javën e kaluar u pyetën drejtuesit e Bylisit sot e kanë radhën për të dhënë llogari drejtuesit dhe futbollistë të Tiranës. Etika po shqyrton dosjen voluminoze edhe me të dhënat për shumat që janë luajtur në baste.

Komisioni i Etikës do të marrë sot në pyetje Tiranën për ndeshjen e Kupës së Shqipërisë ndaj Bylisit e dyshuar si e fiksuar për të përfituar në bastet sportive. Komisioni i Etikës po vijon hetimet për ndeshjen që shkaktoi shumë polemika për shkak të sjelljes së lojtarëve të Tiranës në fushën e lojës dhe të lëvizjes së koefiçentëve në kompanitë e basteve.

Sot duke nisur nga ora 14:00 në Komisionin e Etikës do të japin “llogari” 5 pjesëtarë të bardhebluve duke nisur me Presidentin Refik Halili, drejtorin sportiv Arbi Laçi, trajneri Emmanuel Egbo , kapiteni Erando Karabeci dhe portieri Ilion Lika. Javën e kaluar dëshmuan para Etikës edhe drejtues e futbollistë të Bylisit të cilët theksuan se janë të pastër.

Ndërkaq Etika ka në dorë një dosje voluminoze edhe me shumat e parave që janë vendosur në bastet sportive për rezultatet që dyshohet se ishin të paracaktuara.Gjithsesi hetimi i plotë i kësaj ndeshje dhe marrja e një vendimi nga Etika do të kërkojë më shumë kohë. Nesër dy ekipet do të përballen edhe në fushë në ndeshjen e kthimit gjysmëfinale të Kupës. Mallakastriotët janë fituesit e ndeshjes së parë me rezultatin 2-1./ Përgatiti Andi Kapxhiu.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

25 Prill, 22:50