Deputeti i PD Oerd Bylykbashi i cilëson antikushtetuese veprimet e Kuvendit për zgjedhjen e një Kryeprokurori të Përkohshëm. Përmes një deklarate të shpërndarë për mediat, Bylykbashi e cilëson politik prokurorin që po tenton të zgjedhë maxhoranca, ndërsa akuzon Ramën se po bën një lëvizje të tillë për të fituar imunitet nga ndjekja penale. 

Sipas Bylykbashit mbledhja e 28 firmave për të propozuar kandidatët është një sharlatanizëm, njësoj si procedura e ndjekur deri tani, sipas të cilës kryeministri mund ta emërojë Prokurorin e Përgjithshëm edhe me 36 vota. “Me dhënien e firmës, deputetet e Kryeministrit do të seleksionojnë edhe emrin që i pëelqen Ramës. Jo me thjesht kapje politike, por ky është një puç kushtetues i frikshem”- tha Oerd Bylykbashi. ‎

Oerd Bylykbashi sqaroi se "kompetencat e Prokurorit të Përgjithshëm të Përkohshëm, që do të emërojë Edi Rama, ka pushtetin e pezullimit të dosjes Habilaj/Tahiri". "Përgatit dosjet fillestare të vetingut për prokuroret që rrezikojnë me hetim Ramën", thotë ai. Oerd Bylykbashi tha se kjo tregon qartë që pas gjithë kësaj maskarade parlamentare është halli i Ramës më shumë sesa i Tahirit. “Ky prokuror është imuniteti de facto nga ndjekja penale ‎që po kërkon Rama”, u shpreh Bylykbashi. 

Bashkë me reagimin, Oerd Bylykbashi publikoi edhe nenet përkatëse, kur 28 deputetë bëjnë propozim. Sipas Rregullores së Kuvendit ata propozojnë “vetëm kur Kushtetuta nuk parashikon ndryshe”. Por, në fakt, siç sqaron edhe Bylykbashi sipas Kushtetutës propozimin për Prokuror të Përgjithshëm e ben Këshilli I Lartë i Prokurorisë, që Rama e mbajti të bllokuar.‎ 

neni 117
(Neni 118 i Rregullores së Kuvendit për mbledhjen e firmave nga kandidatët)neni 148
(Neni 148 i Kushtetutës, propozimin për Kryeprokurorin e bën KLP)

Redaksia Online
l.q/Shqiptarja.com