Bylykbashi: Rama pranoi vendet e
rezervuara,bën folklor për reformën

Oerd Bylykbashi në një postim në rrjetin social Facebook ka reaguar pas deklaratës së fundit të kryeministrit Edi Rama, ku ka thënë se, ai ka pranuar propozimin e Partisë Demokratike për formulën e re të “vendeve të rezervuara”, ndërkohë që e ka akuzuar se vijon folklorin e tij për reformën.
 
Por ai ka thënë se Rama ngul këmbë tek “votat e trafikueshme” duke kërkuar kështu një divan me 8 vende që të shtrihet gjerë e gjatë.
 
Ja statusi i plotë në Facebook i Oerd Bylykbashit.
 Breaking Neës: Kryeministri Rama pranon formulen e "vendeve te rezervuara".
Kryeministri dje kishte sajuar batutën e re folklorike për reformën në drejtësi. Sipas tij PD kishte lëvizur nga formula e "vendeve të rezervuara" tek formula e "vendeve të blinduara". Vë bast që i ka pëlqyer shumë gjetja, por as që e ka idenë se për çfarë flet.
PD propozon që 12 komisionerët e vetingut të zgjidhen 6 nga mazhoranca dhe 6 nga opozita mes profesionistësh, ndërsa formula e "Votës së Vetme të Trafikueshme" që ngul këmbë Kryeministri, bën që kryeministri të marrë me siguri matematikore 8 komisionerë që do shkarkojnë gjyqtarët dhe t'i mbajë për 9 vjet. Pas kësaj këta komisionerë ikin në shtepi, pra do të punojne vetëm një herë dhe vetëm për Ramën.
Pra Kryeministri është shumë dakord me PD; duhet formula e vendeve të rezervuara. Por ama, si mund të jetë ai baraz me PD?! Kurrë! Kryeministrit i duhet një divan me 8 "vende të rezervuara" që të shtrihet sa gjatë gjerë dhe të mbajë edhe telekomandën sipër barkut që ta komandojë drejtesinë sipas qejfit, pa u ngritur nga divani. Tamam si pasha, vetëm nargjileja i mungon.
Si e thoshtëBrezhnjevi? Ajo që është e imja është e imja, ajo që është e jotja mund ta negociojmë. Pra 6 vendet e rezervuara të Kryeministrit nuk diskutohen, por hajde të negociojmë ato të opozitës dhe mos t'i lemë 6 por vetëm 4. Madje edhe 4 shumë janë por hajt, s'po e teprojmë! Keshtu po që është reformë euroatlantike!
Rezervojini Kryeministrit divanin me 8 vende dhe kompromisi u krye! Se mos thoni që kur kryeministri kontrollon shumicën e komisionerëve të vetingut politizohet gjyqësori, ore?! Rreziku vjen vetëm dhe vetëm nga 4 vendet e opozitës dhe këtë mediat e Kryeministrit t'ia ngulin mirë në kokë shqiptarëve dhe të huajve!
Kompromis ka, por duhen profesionistë për ta kuptuar
 
Redaksia Online
(F.T/shqiptarja.com)