Receta

Byreçka të mbushura me kimë suxhuku nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 30 Maj 2023, 11:50 | Përditesimi: 30 Maj 2023, 11:52

Byreçka të mbështjella me kimë suxhuku

Përbërësit:

450 gr miell
150 ml ujë
1 fl kafe qumësht i vakët
1 vezë
1 lç kripë
1 majë luge sheqer
1 lgj vaj
Niseshte për hapjen e petëve

Mbushja:

LEXO EDHE:
Pulë e mbushur nga zonja Albana

1 qepë
1 pako suxhuk FIX
Piper i kuq
Kripë, piper i zi
Gjalpë për lyerjen e petëve

Përgatitja:

Zëmë brumin duke tretur në qumësht të vakët majanë me sheqerin dhe 2 lugë miell. Tek mielli shtojmë kripën dhe 1 vezë. Masën e majasë e shtojmë tek mielli së bashku me ujin e vakët. E zëmë brumin dhe e lëmë të pushojë për 30 minuta.

Më pas krijojmë topthat e brumit dhe hapim petë mesatare. I lyejmë me gjalpë dhe shtrojmë suxhukun e grimcuar dhe qepën e grirë të cilën e kemi shtypur me dorë pasi kemi shtuar kripën dhe erëzat. Me okllai mbledhim petën, e heqim okllainë nga peta dhe mbledhim fundoret duke krijuar një rreth bosh në brendësi. I pjekim byreçkat në furrë në 180 gradë për 35 minuta.

MC/Shqiptarja.com

TAG: