Receta

Byrek i ëmbël me oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Janar, 11:58 | Përditesimi: 8 Janar, 12:02

Byrek i ëmbël me oriz

Përbërësit:

1 e 1/2 fç oriz
1 filxhan sheqer
1 lgj kanellë
2 lgj rrush të thatë
50 gr gjalpë + vaj
8-10 peta byreku

Për servirje:

LEXO EDHE:
Bukë misri me hirrë nga zonja Albana

Sheqer pluhur
Kanellë

Përgatitja:

Në ujë të vluar në masën 1 me 2 ziejmë orizin jo plotësisht. Sapo orizi të fillojë të krijojë bulëza shtojmë një lugë gjalpë, sheqerin, kanellën dhe rrushin e thatë. E trazojmë mirë, e largojmë nga zjarri dhe e lëmë të ftohet.

Marrim petët një nga një dhe i spërkasim me pak gjalpë të shkrirë trazuar me vaj. Në çdo petë vendosim 1-2 lugë mbushje dhe më pas petën e mbështjellim role dhe e vendosim në tavë si shirit ose të rrumbullakosur si kërmill. Kështu veprojmë me të gjithë petët dhe në fund i spërkasim roletë me pak vaj dhe gjalpë dhe i vendosim në furrë të piqen në temperaturën 180-200 gradë Celsius për 25-30 minuta. Pasi byreku të jetë ftohur e servirim spërkatur me sheqer pluhur dhe kanellë.

MC/Shqiptarja.com

TAG: