Receta

Byrek me kungull vjeshte, qumësht dhe vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Shtator, 12:18 | Përditesimi: 17 Shtator, 12:23

Byrek me kungull vjeshte, qumësht dhe vezë

Përbërësit:

1 pako peta ose peta të bëra vetë
500 gr kungull i verdhë
300 ml qumësht
3 kokrra vezë
50 gr gjalpë
Kripë, piper i zi

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Fillimisht zëmë brumin me miell, ujë dhe pak kripë dhe hapim petët, nëse duam që byrekun ta përgatisim me petë të bëra vetë dhe jo të gatshme. Grijmë kungullin në rende dhe e ziejmë në një tenxhere me ujë me kripë. Pasi ka zierë, e kullojmë dhe e përziejmë me vezët, qumështin dhe gjysmën e sasisë së gjalpit. Në një tavë drejtkëndore shtrojmë një letër furre pastaj fillojmë të shtrojmë petët nga tre duke i spërkatur ndërmjet tyre me gjalpë të shkrirë. Në çdo tre petë hedhim nga masa e kungullit dhe kështu vazhdojmë deri në fund. Petët e fundit i spërkasim me gjalpë të shkrirë dhe e pjekim në furrë të nxehur më parë në 200 gradë Celsius derisa të marrë ngjyrë të kuqërremtë.