Receta

Byrek me mish pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Dhjetor 2023, 11:54 | Përditesimi: 20 Dhjetor 2023, 11:56

Byrek me mish pule

Përbërësit:

1 pako peta
1 pulë fshati
Kripë, piper
Vaj ulliri

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Vendosim pulën të ziejë në një enë me ujë me pak kripë. Pasi ka zjerë, fikim sobën dhe e lemë pulën mbuluar me kapak duke i shtuar dhe pjesën tjetër të kripës. Pasi pula të jetë ftohur mirë e pastrojmë nga kockat dhe copëtojmë mishin në pjesë të vogla. Marrim një tavë e lyejmë në fillim me pak vaj dhe vendosim 3-4 petë duke i spërkatur me lëngun e pulës që e kemi kulluar më parë. Bëjmë një shtresë me mish, e spërkasim me piper të bluar, vendosim 2-3 petë të tjera. I spërkasim petët me lëngun e pulës dhe bëjmë shtresën tjetër me mish pule. Vendosim në fund 3-4 petë të tjera duke i lagur mirë me lëngun e pulës. E presim më pas byrekun dhe e vendosim të piqet në furrë në temperaturën 180 gradë Celsius për 40-50 minuta.

MC/Shqiptarja.com

TAG: