Receta

Byrek me petë të pjekura me qumësht, djathë dhe vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Mars, 11:22 | Përditesimi: 21 Mars, 11:24

Byrek me qumësht, djathë dhe vezë

Përbërësit:

1 pako peta të pjekura
100 ml vaj
100 ml gjalpë
1 litër qumësht
6 kokrra vezë
400 gr djathë të bardhë
Pluhur pjekës
Kripë, piper, arrë moskat

Përgatitja:

LEXO EDHE:
Fërgesë me speca, gjizë dhe domate nga zonja Albana

Fillimisht shkrijmë gjalpin dhe e bashkojmë me vajin. Rrahim vezët në një tas të madh, shtojmë yndyrën, qumështin, pak pluhur pjekës, kripën, piperin dhe arrën moskat. E trazojmë mirë dhe më pas shtojmë një pjesë të djathit të bardhë të thërrmuar. Petët e pjekura i copëtojmë duke i shtuar në tasin me qumësht dhe vezë, lëmë vetëm 2 petë për t’i shtruar si bazë në tavën e lyer me pak yndyrë. Hedhim mbi petën e shtruar masën e përgatitur. E hapim mirë, shtojmë pjesën tjetër të djathit të thërrmuar. Shtojmë dhe pak qumësht në fund dhe e vendosim byrekun në furrë të parangrohur të piqet në temperaturën 200 gradë Celsius për 30-35 minuta.

MC/Shqiptarja.com

TAG: