Receta

Byrek me presh sipas traditës korçare nga zonja Dhurata Dino

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 27 Mars, 11:31 | Përditesimi: 27 Mars, 11:34

Byrek me presh

Përbërësit:

Për petët:

LEXO EDHE:
Fërgesë me speca, gjizë dhe domate nga zonja Albana

500 gr miell
1 gotë ujë
Pak vaj
Pak kripë

Për mbushjen:

4 presh
2 vezë
200 gr djathë
1 gotë qumësht
1 lgj gjalpë
Kripë, piper

Përgatitja:

Preshin pasi e kemi grirë imët e kaurdisim me pak kripë që të zbutet mirë. E lëmë pak të ftohet dhe shtojmë vezët, djathin e grirë, qumështin, pak kos, kripë me kujdes dhe pak piper. E trazojmë mirë mbushjen e byrekut dhe nisim me përgatitjen e brumit të cilin e zëmë me miell, ujë, vaj dhe kripë. Ndajmë brumin në 10 kuleçë dhe i hapim të vogla sa pëllëmba e dorës. I spërkasim të gjithë kuleçët me pak vaj ulliri dhe më pas vendosim 5 kuleçët e hapur njëra mbi tjetrën. Spërkasim tryezën e punës më pak niseshte dhe hapim një petë të madhe të cilën e vendosim në tepsi. Shtrojmë dhe hapim mbushjen dhe më pas hapim petën tjetër me 5 kuleçët e tjerë, e shtrojmë mbi mbushje, rregullojmë anësoret e byrekut dhe e vendosim në furrë të parangrohur në temperaturën 220 gradë Celsius.

MC/Shqiptarja.com

TAG: