Receta

Byrek me pulë dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Maj 2023, 12:01 | Përditesimi: 12 Maj 2023, 12:03

Byrek me pulë dhe oriz

Përbërësit:

1 pulë
2 gota oriz
1 lgj gjalpë
4 lgj vaj ulliri
1 kg qepë
Kripë, piper

Për brumin:

LEXO EDHE:
Bakllava me kadaif dhe arra nga zonja Albana

750 gr miell
1 e 1/2 lç kripë
100 ml vaj ulliri
350 ml ujë të vakët
2 lgj uthull
Niseshte për hapjen e petëve

Përgatitja:

Fillimisht zëmë brumin dhe e lemë pak të pushojë. Në një tigan të madh të thellë kaurdisim për pak minuta pulën. Tek yndyra që kemi kaurdisur pulën skuqim qepët e grira imët. Shtojmë kripë dhe piper të zi dhe nga pak ujë që qepët të treten mirë. Vendosim pulën të ziejë mirë me 2 gota ujë derisa të shkëputet lehtë nga kockat. Më pas mishin e pulës e presim në fije të holla. Tek lëngu i pulës hedhim orizin dhe e lemë të ziejë si për rizoto. Në fund e bashkojmë me mishin e copëtuar të pulës.

Lyejmë tepsinë me yndyrë dhe vendosim 3-4 petë. Shtojmë masën e përgatitur, e hapim mirë dhe vendosim petët e tjera. E spërkasim byrekun me pak yndyrë dhe e vendosim të piqet në furrë të parangrohur në temperaturën 200 gradë Celsius për 40-45 minuta.

MC/Shqiptarja.com

TAG: