Receta

Byrek me pulë dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 11 Janar, 12:01 | Përditesimi: 11 Janar, 12:02

Byrek me pulë dhe oriz

Përbërësit:

1 pulë mesatare
2 qepë të thata
2 ½ filxhanë oriz
5 filxhanë çaji ujë
1 tufë koper
1 tufë majdanoz
Kripë, piper i zi
3-4 kokrra vezë
5-6 lgj vaj ulliri
4-5 petë të gatshme ose 2-3 petë të bëra vetë

Për brumin e petëve:

LEXO EDHE:
Pulë me oriz në furrë nga zonja Albana

miell, ujë të vakët, pak uthull, pak vaj, kripë

Përgatitja:

Vendosim pulën të ziejë në ujë të vluar me kripë për 35-40 minuta në temperaturë mesatare. Në një tigan kaurdisim qepën të grirë hollë me gjysmën e sasisë së vajit të ullirit. Sapo qepa të marrë ngjyrë shtojmë erëzat dhe orizin. Rregullojmë shijen me kripë dhe piper dhe e kaurdisim për pak minuta. Në një tavë të lyer me vaj vendosim 3 petët njëra pas tjetrës duke i lyer lehtë me vaj. Hedhim masën e përgatitur të orizit dhe më pas vendosim pulën (rreth e rrotull tavës dhe në qendër) të cilën e kemi ndarë në racione duke i hequr kockat. Palosim rreth mbushjes një e nga një petët, dhe i spërkasim anësoret e byrekut me pak vaj. Në qendër ku kemi mbushjen shtojmë me garuzhde gati më shumë se gjysmën e sasisë së lëngut të ngrohtë ku përgatitëm pulën. E tundim pak tavën në mënyrë që lëngu të depërtojë në të gjithë mbushjen e byrekut. E vendosim më pas byrekun në furrë të nxehtë në temperaturën 200 gradë Celsius për 15 minuta. Pas këtij minutazhi rrahim vezët me pjesën tjetër të lëngut të mishit dhe e shtojmë mbi byrek në qendër dhe pak mbi petat rreth e rrotull. E rivendosim byrekun në furrë dhe për 40 minuta të tjera.

MC/Shqiptarja.com

TAG: