Receta

Byrek me të brendshme qingji, mish pule dhe qepë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 27 Maj, 11:52 | Përditesimi: 27 Maj, 11:53

Byrek me të brendshme qingji, mish pule dhe qepë

Përbërësit:

1 pako petë të pjekura
3 petë të bëra vetë
3 qepë të thata
250 gr të brendshme qingji
½ pulë
1 lgj nenexhik
Spec djegës
Kripë, piper
Vaj ulliri

Për brumin e petëve të hapura vetë:

LEXO EDHE:
Pulë me oriz në furrë nga zonja Albana

300 gr miell
3 pika uthull
6 pika vaj ulliri
Ujë të vakët
Kripë

Përgatitja:

Thërrmojmë petët e pjekura në një enë ku shtojmë nenexhik dhe vaj ulliri. Zemë brumin për petët e njoma dhe hapim 3 petë të cilat i shtrojmë në një tepsi. Vendosim më pas petët e pjekura të thërrmuara duke sistemuar anësoret e petëve të njoma. E vendosim tavën në furrë të parangrohur në 180 gradë për 25 minuta. Ndërkohë në një tigan kaurdisim qepët e grira imët më pak kripë. Sapo qepët të bëhen transparente shtojmë të brendshmet e prera imët dhe mishin e pulës të cilin e kemi zjerë dhe e kemi bërë fije-fije. Rregullojmë shijen me kripë, piper dhe erëza sipas dëshirës. Këtë masë e vendosim mbi byrekun e pjekur. Në fund e lagim byrekun me pak nga lëngu i pulës dhe e rivendosim përsëri në furrë për 20 minuta.

MC/Shqiptarja.com

TAG: